Salmo 28 Salmo de David

1 A ti clamo, ó Iahveh, miña rocha.

Non gardes silencio comigo,

non sexa que se gardas silenzo me ignores,

e chegue a ser como os que baixan ao sepulcro.

2 Escoita a voz das miñas súplicas,

cando clamo a ti,

cando levanto as miñas mans

cara o lugar santísimo do teu Santuario.

3 Non me arrastres xunto aos impíos,

os que practican a iniquidade,

que falan de paz co seu próximo

e gardan o mal nos seus corazóns.

4 Dalles conforme á súa obra

e segundo a maldade dos seus feitos.

5 Retribúelles segundo a obra das súas mans.

Dalles a súa paga!

6 Bendito sexa Iahveh,

que escoitou a voz das miñas suplicas!

7 Iahveh é a miña forza e o meu escudo,

o meu corazón confiou nel,

e fun socorrido.

Por iso se alegra o meu corazón,

e lóuvoo co meu cántico.

8 Iahveh é a forza do seu pobo,

e o salvador para o seu Unxido.

9 Salva o teu pobo e abenzoa a túa herdanza! pastoréaos e carga con eles para sempre!