Salmo 99

1 Iahveh reina! Treman os pobos!

Séntese sobre os querubíns, trema a terra!

2 Iahveh é grande en Sión,

e exaltado sobre todos os pobos.

3 Louven o teu grande e temibel nome: El é santo! 4 O poder do rei ama a xustiza,

ti estableciches a equidade,

ti fixeches xuízo e xustiza en Xacob.

5 Exaltade a Iahveh, o noso Deus,

e prostrádevos ante o estrado dos seus pés,

el é santo.

6 Moisés e Aarón estaban entre os seus sacerdotes,

e Samuel, entre os qeu invocan o teu nome,

invocaban a Iahveh, e el respondíalles.

7 Falaba con eles en columna de nube,

gardaron os seus testemuños,

e o estatuto que lle dera.

8 Ó Iahveh noso Deus, ti mesmo lles respondías,

fuches para eles un Deus perdoador,

mais vengador dos seus delitos.

9 Exaltade a Iahveh o noso Deus,

e prostrádevos cara o seu santo monte,

porque Iahveh o noso Deus é santo.