Salmo 85 Para o director do coro. Salmo dos fillos de Coré.

1 Ó Iahveh, mostraches favor á túa terra,

cambiaches a cautividade de Xacob.

2 Cargaches coa iniquidade do teu pobo,

cubriches todo o seu pecado. (Selah)

3 Retiraches toda a túa furia,

afastácheste do ardor da túa ira.

4 Restáuranos, ó Deus da nosa salvación,

e fai cesar a túa ira sobre nós.

5 Ficarás indignado para sempre con nós?

Extenderás a túa ira de xerazón en xerazón?

6 Non nos darás vida de novo,

para que o teu pobo se goce en ti?

7 Móstranos, Ó Iahveh, a túa misericordia

e danos a túa salvación!

8 Escoitarei o que dirá Deus o Señor;

Iahveh falará de paz ao seu pobo e aos seus santos,

para que non volvan á insensatez.

9 Certamente perto está a súa salvación aos que o temen,

para que habite a gloria na nosa terra.

10 A misericordia e a verdade encontráronse,

a xustiza e a paz bicáronse.

11 A verdade agromará da terra,

e a xustiza mirará desde os ceos.

12 Certamente Iahveh dará o ben,

e a nosa terra dará o seu froito.

13 A xustiza irá diante del,

e fará un camiño coas súas pegadas.