Capítulo 68
Ao músico principal. Salmo de David. Cantiga
1
Levántese Deus, sexan disipados os seus inimigos,
e fuxan da súa presenza os que o aborrecen.
2
Como se esvaece o fume, várreos,
como a cera se derrete diante do lume,
así perezan os impíos diante de Deus.
3
Pero alégrense os xustos,
e regocíxense diante de Deus,
si, relouquen de alegría.
4
Cantade a Deus,
cantade louvanzas ao seu nome,
abride paso ao que cabalga polos ceos,
cuxo nome é o Señor,
regocixádevos diante del.
5
Pai de orfos e defensor das viúvas
é Deus na súa morada santa.
6
Deus prepara un fogar para os solitarios;
conduce os cautivos á prosperidade;
só os rebeldes habitan en terra seca.
7
Ó Deus! cando ías diante do teu pobo,
cando marchaches polo deserto, (Selah)
8
tremeu a terra;
tamén os ceos se derramaron ante a presenza de Deus;
tremeu o Sinaí diante de Deus, o Deus de Israel.
9
Chuvia abundante esparciches, ó Deus!
Ti reanimas e sustentas a túa herdanza.
10
Os que son do teu pobo moraron nela;
pola túa bondade, ó Deus, proveste ao pobre.
11
O Señor dá a orde: gran multitude de mulleres
levan as boas novas!
12
Os reis e os exércitos fuxen e a que fica na casa
repartirá o botín.
13
Cando vos deitades nos currais, sodes como ás de pomba
cubertas de prata, e as súas plumas de ouro resplandecente.
14
Cando o Omnipotente dispersou alí os reis,
nevaba no Val da Escuridade.
15
O monte de Basán é monte de Deus;
monte de moitos cumios é o monte de Basán.
16
Por que ollades con envexa,
ó montes de moitos cumios!,
o monte que Deus desexou como morada?
De certo que Iahveh morará alí por sempre.
17
Os carros de Deus son miríades,
miles de miles; como en Sinai,
o Señor está entre eles en santidade.
18
Ti ascendiches ao alto,
levaches en catividade os teus cativos;
recibiches dons entre os homes;
e tamén entre os rebeldes,
para que o Deus Iahveh habite entre eles.
19
Bendito sexa o Señor, que cada día
leva a nosa carga,
o Deus que é a nosa salvación. (Selah)
20
Deus é para nós, un Deus de salvación,
e librar da morte, pertenze a Iahveh o Señor.
21
Certamente Deus ferirá a cabeza dos seus inimigos, o cráneo cabeludo do que anda nas súas culpas.
22
O Señor dixo: Farei que volvan de Basán;
Farei que volvan das profundidades do mar;
23
para que o teu pé os esmague en sangue,
e a lingua dos teus cans, teñan a parte dos teus inimigos.
24
Amosa o teu cortexo, ó Deus!
O séquito do meu Deus e Rei cara o santuario.
25
Os cantores van diante, e os músicos detrás,
no medio das mozas que tocan pandeiretas.
26
Bendecide a Deus nas congregacións,
a Iahveh, os que sodes da ascendencia de Israel.
27
Alí vai liderándoos Benxamín, o máis novo,
aos príncipes de Xudá coa súa multitude;
a os príncipes de Zabulón,
a os príncipes de Neftalí.
28
O teu Deus ordenou a túa forza.
ó Deus, confirma o que fixeches por nós!
29
Os reis traerán tributo a causa
do teu templo en Xerusalém.
30
Reprende as feras dos canavais,
a manada de touros, con os becerros dos pobos
pisando as pezas de prata;
El dispersou os pobos que se gozan na guerra.
31
De Exipto sairán mensaxeiros;
Etiopía apresurarase a estender as súas mans cara Deus.
32
Cantade a Deus, ó reinos da terra! ;
cantade louvanzas ao Señor ( Selah)
33
Cantade ao que cabalga sobre os ceos dos ceos, que son desde a antigüidade,
Mirade! El dá a súa voz, voz poderosa.
34
Recoñecede o poder de Deus!,
sobre Israel sexa a súa grandeza,
e o seu poder nos ceos!
35
Ó Deus, ti es formidable
desde os teus santuarios!
O Deus de Israel é quen dá o vigor
e o poder ao seu pobo.
Bendito sexa Deus!