Salmo 121 Cántico de ascenso gradual.

1 Aos montes alzarei os meus ollos,

de onde virá o meu socorro?

2 O meu socorro vén de Iahveh,

que fixo os ceos e a terra.

3 Non deixará que esvare o teu pé,

nen durmirá o que te garda.

4 Velaí que non adormecerá nen durmirá

o que a garda a Israel

5 Iahveh é o teu gardador,

Iahveh é a túa sombra á túa man dereita.

6 O sol no te ha fatigar de día,

nen a lúa de noite.

7 Iahveh gardarate de todo mal,

el gardará a túa alma.

8 Iahveh gardará a túa saída e a túa entrada

desde agora e para sempre.