Salmo 115

1 Non a nós, ó Iahveh, non a nós,

senón ao teu nome dá gloria,

pola túa misericordia, pola túa verdade.

2 Por que han dicer os xentís:

U-lo seu Deus?

3 O noso Deus está nos ceos,

fai todo o que quere.

4 Os ídolos deles son de prata e ouro,

obra de mans de home.

5 Teñen boca e non falan,

teñen ollos e non ven,

6 teñen orellas e non ouven,

teñen narices e non cheiran;

7 teñen mans e non senten,

pés e non andan,

a súa gorxa non emite son.

8 Aqueles que os fan son semellantes a eles,

e calquera que confía neles.

9 Ó Israel, confía en Iahveh!

(el é a súa axuda e o seu escudo)

10 Ó casa de Aarón, confía en iahveh!

(el é a súa axuda e o seu escudo)

11 Os que temedes a Iahveh!

(el é a súa axuda e o seu escudo)

12 Iahveh lembrouse de nós,

el abenzoará,

abenzoará a casa de Israel,

abenzoará a casa de Aarón.

13 Abenzoará os que temen a Iahveh,

a pequenos e grandes.

14 Iahveh vos acrecente,

sobre vós e sobre os vosos fillos.

15 Benditos sexades en Iahveh,

que fixo os ceos e a terra.

16 Os ceos son os ceos de Iahveh,

e deu a terra aos fillos do home.

17 Os mortos non louvarán a Iah,

nen nengún dos que baixan ao silencio.

18 Porén nós abenzoaremos a Iah,

desde agora e para sempre.

Aleluiah!