Salmo 113
Aleluiah!
1
Louvade, servos de Iahveh!
Louvade o nome de Iahveh!
2
Bendito sexa o nome de Iahveh,
desde agora e para sempre!
3
Desde o nacer do sol até solpor,
sexa louvado o nome de Iahveh.
4
Iahveh elévase sobre todas as nacións,
e a súa gloria sobre os ceos.
5
Quen é como o noso Deus, Iahveh?
entronizado nas alturas?
6
que se curva para ollar
entre os ceos e a terra?
7
que levanta ao pobre do pó,
que tira do lixo ao miserabel,
8
para facelos sentar cos príncipes,
cos príncipes do seu pobo.
9
Que fai que a estéril sente coa familia,
feliz de ser nai de fillos.
Aleluiah!