Salmo 112 Aleluiah!

1 Ó, as benaventuranzas do home que teme a Iahveh,

e nos seus mandamentos ten grande pracer!

2 Os seus descendentes serán poderosos na terra,

a xerazón dos rectos será bendita.

3 Na súa casa hai bens e riquezas,

e a súa xustiza permanece para sempre.

4 A luz brilla nas tebras para o que é recto;

é clemente misericordioso e xusto.

5 O home de ben ten misericordia e empresta,

leva os seus asuntos con rectitude.

6 Polo que nunca será abalado.

O xusto será lembrado para sempre,

7 non terá temor das noticias ruíns;

o seu corazón está firme, confiado en Iahveh

8 O seu corazón está asegurado, non temerá,

até que olle por riba dos seus inimigos.

9 Reparte, dá aos pobres;

a súa xustiza permanece para sempre;

o seu poder será exaltado con honra.

10 O perverso mirarao e ficará furioso, rinchará os dentes, pero será consumido; A ambición dos malos ha perecer.