¹ Palabras de Iahveh que véu a Oseas, fillo de Beeri, en días de Uzías, Jotam, Acaz e Ezequías, reis de Xudá, e en días de Xeroboam, fillo de Xoás, rei de Israel. ² Cando por primeira vez o Iahveh falou por medio de Oseas, o Iahveh díxolle: Anda, toma para ti unha muller rameira e enxendra fillos de prostitución; porque a terra prostitúese gravemente, abandoando o Iahveh. ³ Foi, e tomou a Gomer, filla de Diblaim; e ela concebiu e deu a luz un fillo. ⁴ E o Iahveh dixo a Oseas: Ponlle Xezreel por nome, porque dentro de pouco castigarei a casa de Xehú polo sangue derramado en Xezreel, e porei fin ao reino da casa de Israel. ⁵ E acontecerá que naquel día quebrarei o arco de Israel no val de Xezreel. ⁶ Ela concebiu de novo e deu a luz unha filla. E o Iahveh díxolle: Ponlle Lo-ruhamá por nome, porque xa non me compadecerei da casa de Israel, pois xamais os perdoarei. ⁷ Mais compadecereime da casa de Xudá e salvareinos polo Iahveh o seu Deus; e non os salvarei con arco, nen espada, nen con batalla, nen con cabalos nen xinetes. ⁸ Despois de destetar a Lo-ruhamá, ela concebiu e deu a luz un fillo. ⁹ E Iahveh dixo: Ponlle Lo-ammi por nome, porque vós non sodes o meu pobo nen eu serei para vós Eu Son. ¹⁰ Mais o número dos fillos de Israel, será como a area do mar, que non se pode medir nen contar; e acontecerá que no lugar onde se lles di: Non sodes o meu pobo, diráselles: Sodes fillos do Deus vivinte. ¹¹ E os fillos de Xudá e os fillos de Israel reuniranse, nomeando a un único xefe, e agromarán da terra, porque grande será o día de Xezreel.