¹ Despois de pasar por Anfípolis e por Apolonia, chegaron a Tesalónica, onde había unha sinagoga de xudeos. ² E Paulo, segundo o seu costume, foi a eles e durante tres días de repouso discutiu con eles baseandose nas Escrituras. ³ explicando e presentando as evidencias de que era necesario que o Cristo padecera e resucitara de entre os mortos, dicindo: Este Xesús, a quen eu vos anuncio, é o Cristo. ⁴ Alguns deles creron e se uniron a Paulo e a Silas, xuntamente cunha grande multitude de gregos temerosos de Deus e moitas mulleres importantes. ⁵ Mais os xudeos incredulos cheos de envexa, levaron a alguns homes malvados da praza pública, organizaron unha turba e axitaron a cidade, e, asaltando a casa de Xasón, procuraban leválos diante do povo. ⁶ Ao non encotrálos, arrastraron a Xasón e a algúns irmáns ante as autoridades da cidade, berrando: Eses, que revolucionaron o mundo, ⁷ tamén viñeron aquí e Xasón os recibiu, e todos van contra os decretos do César, dicindo que hai outro rei, Xesús. ⁸ E alborotaron a toda a multitude e as autoridades da cidade que ouvían tal. ⁹ Mais despois de recibir unha fianza de Xasón e dos outros, os soltaron. ¹⁰ De seguida, pola noite, os irmáns enviaron a Pablo e Silas a Berea. Ao Chegaren, foron a sinagoga dos xudeos. ¹¹ Estes eran máis nobres que os de Tesaliónica, pois recibiron a palabra con todo interese, profundizando diariamente nas Escrituras, para veren se estas cousas eran así. ¹² Por iso, moitos deles creron, así como tamén moitos gregos, homes e mulleres notables. ¹³ Mais cando os xudeos de Tesalónica souberon que Paulo predicara a palabra de Deus tamén en Berea, foron para alá para axitar e alborozar ás multitudes. ¹⁴ Entón os irmáns enviaron a Paulo inmediatamente cara o mar; mais Silas e Timoteo quedaron alí. ¹⁵ Os que guiaban a Paulo o levaron ata Atenas; e, despois de recibir a orde de que Silas e Timoteo se uniran a el o mais axiña posible, marcharon. ¹⁶ Mentre Paulo agardaba por eles en Atenas, consumíase por dentro ao ver a cidade chea de ídolos. ¹⁷ Así que discutía na sinagoga cos xudeos e cos xentís temerosos de Deus, e todos os días na praza de mercado cos que estivesen presentes. ¹⁸ Tamén discutían con el alguns dos filósofos epicúreos e estoicos. E alguns dicían: que quere dicir este linguateiro? E outros: Parece un predicador de divinidades extranas - porque lles predicaba de Xesús e a resurección. ¹⁹ Colleronno e o levaron ao Areópago ^{Nota do traductor: Tribunal supremo da antiga Atenas} , dicindo: Podemos saber que é esta nova doutrina que proclamas? ²⁰ Porque escoitámosche dicir cousas extranas, e queremos saber que significan. ²¹ (Pois todos os atenienses e os extranxeiros que alí vivian pasaban o tempo falando ou escoitando as novidades) ²² Entón Paulo poñendose en pé no medio do Areópago, dixo: Atenienses, vexo que sodes moi relixiosos en todos os sentidos. ²³ Porque mentres pasaba e observaba os vosos obxetos de culto, tamén encontrei un altar con esta inscripcion: AO DEUS DESCOÑECIDO. Pois o que vós adorades sen coñecer, iso vos anuncio eu. ²⁴ O Deus que fixo o mundo e todo no que nel hai, Señor do ceo e da terra, non habita en templos feitos pola man dos homes, ²⁵ nen o serven mans humanas, coma se El precisase algo, posto que El da vida a todos e alento e todas as cousas. ²⁶ e de un só home fixo todas as nacións do mundo para que habitasen toda a terra, e estableceu os lindeiros dos seus tempos e os lindes dos seus territorios, ²⁷ para que buscasen a Deus, e o encontrasen de algún xeito, aínda as apalpadas, xa que non está lonxe de ningún de nós ²⁸ porque por El vivimos, movémonos e existimos, tal e como dixo algún dos vosos poetas: Porque nos tamén somos da súa linaxe. ²⁹ Así que, sendo nós da linaxe de Deus, non debemos pensar que a natureza divina sexa semellante ao ouro, prata ou pedras esculpidas pola arte ou a imaxinación do home. ³⁰ Por tanto, pasando por alto os tempos da ignorancia, Deus declara agora a todos os homes, en todo lugar, que se arrepintan, ³¹ porque El estableceu un día no que xulgará ao mundo con xustiza, por medio do Home que El escolleu, tendo presentado as probas a todos os homes ao resucitálo de entre os mortos. ³² Cando escoitaron da resurección dos mortos, algúns burlábanse, mais outros dixeron: Escoitarémoste outra vez sobre isto. ³³ Entón Paulo saíu do medio deles. ³⁴ Mais algúns xuntaronse con el e creron, entre os que estaba Dionisio o Aeropaxita, unha muller chamada Dámaris e outros mais.