¹ Nikwakamana ndakabona, mulyango muyalushi mwizeulu. Izwi itaanzhi ndindakatelela ka lyaamba kuli ume ukoya impeta, liaamba ati, "Kweza kono, alimwi ndakutondezha ushikachitika shaita buyo sheshishintu." ² Ndilyona ndakaba mu Moza, alimwi ndakabona chuuna cha bwami chibikilwe mwizeulu, umwi ulishite wo. ³ Wezo wakushite wo kalibonya ukoya ibwe lyebeshi lya Jasipa alimwi ulya kaneli. Kakuli Filichoogo uzhingulukile a chuuna cha bwami. U filichoongokalibonya ukoya ibwe lyebeshi lya emalodi. ⁴ Mumabali a chuuna cha bwami, kakuli shuuna shimwi shilimakumi obile u shitwesha shone, bakushite a shuuna shesho mba sololi baamine shikobelo shituba, u mishini ya golide a mitwi yabo. ⁵ Kuvwa ku chuuna cha bwami kwakavwa lulabo, kudililima, ukwa mvula. Ma lambe ali chiloba kazakila kumbele lya chuuna cha bwami, ma lambe keli myoza ya Leza ili chiloba. ⁶ Kumbele kwa chuuna cha bwami kakuli mulonga wa magilazi. Akati kati lya chuuna cha bwami alimwi umumbali kakuli shintu shipona, shizwile menso kumbele u kunshi. ⁷ Chintu checho chipona chitaanzhi kachilibonya ukoya shuumbwa, chabili ukoya moombe, chatatu kachikwete bushu ukoya bwa muntu, u chane kachili ukoya shikwaze u uluka. ⁸ Shintu shone shipona shoonse kashikwete mababa chimwi u chimwi ali chisambomwe azwile menso ezeulu u munshi munshi. Mashiku u mashikati kashitaleka kwaamba ati, "Usalala, Usalala, Usalala ngu Mwami Leza shinsana shoonse, walo wakuli ko, uliko, alimwi ukabako." ⁹ Chiindi shitu shipona nishipa bulemu u kumulumba wezo ukala a chuuna cha bwami, wezo upona lyoonse u lyoonse, ¹⁰ basololi bali makumi obile intwesho shone, balawila kumbele lya wezo u shite a chuuna cha bwami u kumukomba wezo upona shikwense u shikwense. Balabika mishini yabo kumbele lyakwe, balaamba, ¹¹ "Ulyelele kupewa bulemu, uwe u Mwami alimwi Leza wesu, insana u bulemu, ukuti wakalenga shintu shoonse, alimwi mu luzando lwako shakabako alimwi shakalengwa."