¹ Chechi nchizubuluzho cha Jeso Kilisito Leza nchakamupa kwaamba amutondezhe musebezhi wakwe chikachitika inzho. Wakapa kwaamba chizhibwe kwiita mukutuma mungelo ku musebezhi wakwe Johani, ² walo wakapa bumboni ku mazwi a Leza alimwi u bumboni bwa Jeso Kilisito, kushintu shoonse nshakabona. ³ Ngushichoolwe wezo ubala cakupozomoka bushinshimi bobu alimwi alimwi u babo bapupulala ku bushinshimi bobu alimwi kuchilila chilembelwe mo, nkaambo chiindi chili afwaafwi. ⁴ Johani ku shikombelo shili chiloba mu Asia: Luse lube amwe, u lumuno kuvwa kuli wezo uliko, wakuliko, alimwi ukashika, alimwi kuvwa ku Myoza ili chiloba ili ku chuuna chakwe cha bwami, ⁵ alimwi kuvwa kwa Jeso, walo ngu kamboni ushomeka, kabalwe balwe kuvwa kubafwu, alimwi mwendelezhi ku bami boonse ba ano anshi. Kuli wezo utuzanda alimwi wakatwangulula kuvwa ku shibi shesu kwiita mu bulowa bwakwe- ⁶ wapa kwamba tube ba mubwami bwakwe, bapaizhi ba Leza u Ushi-kwakwe kube bulemu iinsana lyoonse u lyoonse. Ameni. ⁷ Bona, ulyakwiza u makumbi; linso lyoonse lilaka mubona, kubikilizha u babo bakamuyasa. Mishobo yoonse ya anshi ilakalila nkaambo kakwe. ⁸ Ndime Alufa u Omega," mbwa amba Leza, "walo uli, alimwi wakuli, alimwi wezo ula kushika, Shinsana shoonse." ⁹ Ume, Ndi Johani- walo ngumupenga u kukala aze alimwi u bushichamba buli mwa Jeso-wakakuli mu chilwa chitewa Patimosi nkaambo ka mazwi a Leza alimwi u bumboni bwa Jeso. ¹⁰ Ndakakuli mu Moza mu buzuba bwa Leza. Ndakatelela izwi ku manuma angu ukoya impeta. ¹¹ lya kaamba ati, "Lemba nchi wabona mwi buka, wamana utumine shikombelo shili chiloba-ku Efeso, ku Smyrna, ku Pergamum, ku Thyatira, ku Sardis, ku Philadelphia, alimwi u ku Laordecea." ¹² Ndakachebauka kulanga koonse kwamba mbone na izwi ndyaani lyaamba kuli ume, Nindakachinduluka ndakabona shikalilo she lambe sha golide shili chiloba. ¹³ Akati lya shikalilo kakuli wakukozhenye u mwana muntu, usamine chikobelo chilamfu chakushika ku matende akwe u mulembo uzhinguluile chamba chakwe. ¹⁴ Mutwi u masusu akwe shakutuba ukoya butonje butuba - kutuba ukoya ngubi- alimwi meso akwe kazaka ukoya milaka ya mulilo. ¹⁵ Matende akwe kamweka ukoya lubulo lwa Bronze lubulo lufule mu mulilo alimwi izwi lyakwe lyakuli ukoya meznzhi manji manji akunka. ¹⁶ Kakwete intongwezhi shili chiloba mwitashi lyakwe lya lulyo alimwi i cheba llilampa koku u koku kashivwa mu mulomo wakwe, Bushu bwakwe kabu mweka ukoya izuba. ¹⁷ Nindakamubona, ndakawila ku matende akwe ukoya muntu ufwile. Wakabika itashi lyakwe lya chilyo ali ume ngoona wamba ati, "Utatiyi. Ndime makankilo umamanino ¹⁸ alimwi mumi. Nakuli mufwu, pele langa ndapona lyoonse u lyoonse! Alimwi ndikwete maki a lufwu alimwi akoko ku busena bwa bafwu. ¹⁹ Ubobo ulembe shesho nshuwabona, shiliko bwasunu alimwi ushesho shikaachitika shamana sheshi. ²⁰ Pele kubupanduluzhi bwa ntongwezhi shili chiloba nshiwakabona mwitashi lyangu lya chilyo, alimwi u shikalilo she lambe sha golide: Intongwezhi shili chiloba mbangelo bashikombelo shili chiloba, alimwi shikalilo sha ma lambe shili chiloba nshikombelo shili chiloba."