¹ Ukuli mungelo wa chikombelo mu Efeso lemba: 'Mazwi a wezo ukwatilile intongwezhi mwitashi lyakwe lya chilyo alimwi wendela akati ka shikalilosha ma lambe a golide ali chiloba, ² "ndiizhi mi chito yenu alimwi u bu shichamba bwenu, alimwi mwina nimukonzha kwendelana u babo bashishibi pele mwabasunka babo balyaamba kuba batumwa pele tabali, alimwi mwayana kwaamba balabeya. ³ Ndizhi ati ulikwete lukakatilo ulimwi wakalemenwa nkaambo kezhina lyangu, nikuba bobo wiina nuwakalengaana. ⁴ Pele ndikwete nchimbililwe kwako kumakani a kaambo nkuwakalushiya luzando lwako lutaanzhi. ⁵ Ubobo telaika nkuwakawila. Sanduka uchite milimo njiwakakuchita niwakatalika. Chitakuti usanduke, ubuyo ndakazhiza kwako ukuchikusha chizhimikilo che lampe kubusena bwacho ⁶ Pele mulikwete chechi: Uwe uliiswile milimo ya bana Nikolai, yalo ame njinswile. ⁷ Wezo ukwete matwi, atelele moza mbuwambila shikombelo. Wezo uzunda ndakamuhumizha kulya kuchisamu cha bumi, chali chili mu Paladaizo wa Leza.''' ⁸ "Kumungelo wa chikombelo cha Simana lemba: 'Mazwi a mutaanzhi u mushalizhi, wezo wakakufwile pele wakabuka alimwi: ⁹ "Ndizhi mapenzhi u bupushi bwako, pele uli muhubi. Ndizhi busanke bwababo balyaamba ati mba Juda, pele tabali. Mba mubungano wa satani ¹⁰ Pele mutatiyi shesho nshimukapenga. Amubone! Diabulosi uli afwaafwi kuwaala bamwi benu muntolongo kwaamba mukasunkwe, ubobo mulakapenga kwa mazuba ali ikumi. Amushomeke kushikila ku Lufu, mane ndakamupa mushini wa bumi. ¹¹ Wezo ukwete matwi natelele moza mbuwambila shikombelo. Wezo uzunda talukamuchisa lufu lwabili.''' ¹² "Kumungelo wa chikombelo chaku Pegamo lemba: 'Mazwi nga amba wezo ukwete icheba lilampa koonse kooonse: ¹³ Ubobo ndikwizhi koko nkukala, ulikakatile kwi zhina lyangu. Ndizhi kwaamba wiina nuwakalutama lushomo lwako muli ume, nikuba ku mazuba aka Antipasi kamboni wangu mushomeshi wangu, walo wakayayiwa akati kenu, kwalo nkwakala satani. ¹⁴ Pele ndikukwatile milandu mishoonto nkaambo koko nkubele nkubali bachikakatile kunjiisho sha Balamu, walo wakayiisha Balaki kubika chilebyo ku bana ba Izilayeli kwaamba balye shilyo shakuli shipaizho sha shibumbwa alimwi ukuba bashimamambe. ¹⁵ Munzhila njiyona mulikwete bamwi bachikakatile kunjiisho sha bana Nikolai. ¹⁶ Ubobo, sanduka! Kuti tuchiti bobo, ndakashika kwako chakufwambaana, alimwi ndakabalwana iicheba lili ku mulomo wangu. ¹⁷ Wezo ukwete matwi natelele moza mbuwambila shikombelo. Wezo uzunda, ndakamupa mana asesekelwe, alimwi ndakamupa ibwe lituba lilembelwe izhina ipiya lilembelwe ebwe, izhina litezhibilwe ku muntu naaba womwi chita bulyo wezo ulitambula.''' ¹⁸ "Angelo wachikombelo chaku Tuyatila lemba: 'Aza ngu mazwi a Mwana a Leza, walo ukwete menso ali ukoya mulilo uvwilima alimwi matende akwe ali ukoya lubulo lwa bronze lubambilwe kabotu kabotu: ¹⁹ "Ndiizhi milimo: luzando u lushomo u busebezhi alimwi u bushichamba bwako. Ndizhi kwaamba ati nchuchitile kwa chiindi cheno chilabala nchuwakachita lweendo lutaanzhi. ²⁰ Pele ndikukwatilile kaambo: Ulamuhumizha mukaintu Jezebelo, walo ulyaamba ati mushinshimi mukaintu. Muniisho shakwe wabasowa na kubachenga basebezhi bangu kuchita mamambe ukulya shipo shituulwa ku mituni. ²¹ Ndakamupa chiindi chakusanduka, pele tali bambile kusanduka kuvwa ku bumambe bwakwe. ²² Bona! ndakamooneka mubulo bwa bulwazhi antoomwi ubabo mbakachita abo mamabe mu mapenzhi makando, chita buyo kuti basanduka kuvwa ku milimo yakwe. ²³ Ndakauma banakwe ukubayaya, inzho shikombelo shoonse shilakazhiba ati ndime wezo uvuntauzha ukuzhiba matelaishi a ku mozo. Ndapa woonse muntu kwendelanya u milimo yakwe. ²⁴ Pele kuli umwe nubamwi ba mu Tuyatila, kuli noonse nimutezhi lwiiyo lolu ukutana kuzhiba makani a satani - kuli umwe ndaamba, 'shibiki mukuli umwi linji ali umwe.' ²⁵ Mu shiindi shoonse, mulyelele kukakatila kushikila nkashike. ²⁶ Wezo uzunda ukuchita milimo yangu kushikila kumamanino, ndakamupa bwendelezhi bwa mashi. ²⁷ 'Ulakalela u musako wachibulo, ukoya intesho sha bulongo ulakashipwaya.' ²⁸ Mbubona mbwindakatambula kuvwa kwa Taata, aze mbubona ndakamupa itanda. ²⁹ Wezo ukwete matwi, natelele Moza mbuwaamba ku shikombelo.'''