¹ Bakashika kuluya lumwi lwa Lwatele, kubuena bwa Galasenisi. ² Lelyo Jeso nakakuhwa mu Bwato, Mulombwana wakaakukwete moza mubiya wakeza kwakwe kuhwa ku Namaumbwe. ³ Mulombwana kakala mu Namaumbwe. Kakwiina wakukonzha kumukwata naaba womwi, nikuba iincheetani. ⁴ Kaangilwe choonse chiindi u Macheni. Kalozha kushikosaula Incheetani. Kakwiina naba womwi shinsana waakulozha kumukwata. ⁵ Lyoonse mashiku u muunza kakala ku Namaumbwe ulimwi uu Mapili, kapozomoka kulila u kulitenda mwini u mabwe aalampa. ⁶ Lelyo naakamubona Jeso kuhwa alaale, wakamulukankila u kumukotamina. ⁷ Wakalila iizwi ikando, "Sa ulazanda nkuchitileeyi uwe, Jeso, Mwanaakwe Leza Mukando? Ndakulomba kwiita mwa Leza mwini, utampenzha." ⁸ Naakaakuchaamba bobo kwakwe, "Hwa mu Muntu wezu, uwe u moza mubiyabi." ⁹ Wakamubuzha ati, "Ndiwe inzhina lyako?" Wakamwiingula ati, "Inzhina lyangu ndime Legiyoni, kaambo tuli banji banji." ¹⁰ Wamulomba shiindi shinji shinji kwaamba atabakusha molya mubusena. ¹¹ Iinzho kakuli butanga bwa Ngulube bwakaakuchela a lupili, ¹² amane bakamulomba, kwaamba, "Tutume mu Ngulube; tuleke tunjile mumo." ¹³ Ngoona wakabahuminya; iinzho myoza mibiyabi yakahwa ukuya kunjila mu Ngulube, ngoona butanga bwakakunkuluka Lupili kuya kuliwaala mu Lwaatele, kashili ukoya shibaala ku Shuulu shobile Ingulube shakafwila mu Lwaatele. ¹⁴ Babo bakakwembela ingulube bakalukanka ukutola kwaamba babashi mwine chachitika muchishi uminzhi, bantu bakaya kubona chachitika. ¹⁵ Ngoona bashika kwa Jeso ubona mulombwana wakakujili lwe bashikazwa, wezo wakujililwe moza wa Lejoni, kashite awo, kasamine shisani , amana kaluleme umaanu kakwete bamane batiya. ¹⁶ Babo bakabona chachitika kumuntu wa kukwete moza umbiyabi bakabashimwina shoonse, amana babashimwna ushangulube. ¹⁷ Bakatalika kulomba kwaamba bamuhve muchishi. ¹⁸ Nakujila umbwato, wezu muntu wakakukwete bashikazwa wakamulomba ati babe atoomwi umbwato. ¹⁹ Jeso wakamukasha, pele wakamwaambila ati, ''Koya kung'anda yako ubantu bako ubashimwine chakuchita yaave, uluse lwakwe ndwakuchitila.'' ²⁰ Inzho wakaya kukambauka mu Dekapolisi shintu shikando Jeso shakamuchitila, u bantu boonse bakazoowa. ²¹ Inzho Jeso nakalandula alimwi kuya kumwi, umbwato ikamu yabantu bali muhingulukile, baswaangana abo amulando. ²² Umwi mweendelezhi wa sinagogo wezhina lya Jailosi wakeza, nakamubona,wawa wasunkumana kumaulu akwe. ²³ Walomba shiindi shinji-shinji, waamba ati, ''Mwanangu mushimbi mushoonto ulazanda kufwa. Ndakulomba, ukamwampe itashi kwaamba aponi.'' ²⁴ Inzho bakaya atoomwi, bakamuchila bamuhingulika. ²⁵ Inzho kakuli mukaintu wakaakukunka bulowa myaka ili ikumi u yobile. ²⁶ Wakasata maningi kubashilishi banji-banji u kusebezha shoonse shintu shaakukwete, ciindi chakwaamba abe kabotu chilwazhi kachiya bulyo kumbele. ²⁷ Nakayitelela impuwo yaka Jeso, wakeza kumuchilila mwikamu wamukwata kuchikobelo. ²⁸ Wakaambaati, kuti ndakwata bulyo chisani chakwe ndapona.'' ²⁹ Nakachikwata, bulowa bwakaleka kuhwa, waliteelela kabotu umubili kwaamba wapona. ³⁰ Jeso ndilyona wakatelela ati insana shamuhwa umubili wakwe. Wakachinduluka munkamu waamba, ''Nguni wakwata kucikobelo?'' ³¹ Bashichiiya bakwe bakamwaambila ati, ''Ulibabwene bantu bakuhingulukile, ulamba, buti ati nguni wakwata?''' ³² Pele Jeso wakachebuka ukuchinduluka kwaamba abone wamukwata. ³³ Inzho mukaintu, kuhiba chakamuchitikila, wakatiya ukuzhangama.Wakeza wasunkumana ku mbele lyakwe ukumwaambila shonse shakachita. ³⁴ Wakamwambila ati, ''Mwanangu, lushomo lwako lwakufutula. Koya muluumuno ukapone kubulwazhi bwako.'' ³⁵ Naakwaamba kwakashika bantu bat kuhwa bantu bamwi ku mweendelezhi wa sinagogi, wakaamba, ''Mwanako mushimbi wafwa. No ulamupezhenzhaayi mwiiyi?'' ³⁶ Pele Jeso nakashiteelela shesho shibaakwaamba, washimina mweendelezhi wa sinagogi, utatiyi. Shooma.'' ³⁷ Kwiina ngwaakahumizha kuya aze chita Pita, Jemusi, u Johani, mumina u Jemusi. ³⁸ Bakashika kung'anda ya mweendelezhi wa sinagogi wakabona bantu babo bapanga choongo; kulila ukwiila. ³⁹ Naakanjila mung'anda, wakaamba nkubabele ati, "Kaambooyi mulizhingilwe ulimwi kaambooyi mulalila? Mwana tafwile ulilele." ⁴⁰ Baakanka kumulimbusha. Pele boonse wakabatandila ansengwe u kubweza baushi mwana u baina ubabo mbubakaakuli abo, bamane bakeenjila mwaakubele mwana. ⁴¹ Wakakwata itashi lya mwana u kwaamba kwakwe ati, "Talita, komu!" chalo chaambaati, "Kana kashimbi, Ndakwaambilaati, zhimuka." ⁴² Kufwaambana mwana wakazhimuka u kweenda (Wezu mwana kakwete myaka ili ikumi umyaka yobile yakuzhalwa). Boonse chakufwambaana bakazhingwa chizoosha. ⁴³ Wakabakonkomwena boonse kwaamba kutabi naaba womwi uwateelela aza. Amane wakabaambila ati bamupe chakulya.