¹ Aza ngu matalikilo a makani mabotu, a Jeso kilisito, Mwanakwe Leza. ² Umbona mbu chilembelwe mwibuka lya Isaya mushinshimi, "Amulange ndatuma mutumwa wangu kubushu bwenu, walo uya kubamba inzhila yenu. ³ Izwi lya wezo wompolola mulukula, 'Amubambe inzhila ya Mwami; amuululike mukula wakwe.''' ⁴ Johani nakazhiza, kababizha mulukula uku kambauka lubizho lwa kusanduka kwamba shibi shilekelelwe. ⁵ Chishi chonse cha Judiya ubantu boonse bamu Jelusalemu bakaya kwakwe. Kababizhiwa kwakwe mumulonga wa Jodani,kabalyambilia shibi shabo. ⁶ Johani kasama ikoti lyaboza bwa nkamela ulimwi u lutambo muchibuno, alimwi kalya chikwikwi u buchi. ⁷ Wakakambauka ati, "Wezo uzhiza munshi lyangu ulikwete insana kubala ume; twaanzho twa mpato shakwe nsikonzha ukufulama kutwangulula. ⁸ Ume ndabizha u meenzhi, pele walo ulamubizha u Moza Usalala." ⁹ Chakachitika mazuba azo ati Jeso wakeza kuvwa ku Nazaleta mu Galileya, wabizhiwa kwa Johani umulonga wa Jodani. ¹⁰ Jeso nakamuvwa mu menzhi, wakabona izeulu lyayaluka waabona moza usalala kwiza kwakwe ukoya inzhiba. ¹¹ Izwi livwa kwizeulu lyakeza, "Ndiwe mwanangu ngwimfwini. Ndabotelwa maningi." ¹² Inzho Moza usalala wamubweza ukumutola mulukula. ¹³ Waakala mu lukula kwa mazuba ali makumi one, kusunkwa kwa satani. Kakala ubanyama ba mwisokwe, pele ba angelo ba leza mukwabilila. ¹⁴ Inzho Johani wakaangwa, Jeso weezhiza mu Galileya kukambauka makani mabotu a Leza. ¹⁵ Wakaamba, "chiindi chazuzukizhiwa, alimwi bwami bwa Leza buli afwaafwi. Amusanduke ukushoma mazwi a Leza." ¹⁶ Chiindi nakakuya bwendeenda kumabali a mulonga wa Galileya, waabona Saimoni u Andulu munina Saimoni kabateya kanyandi mu lwatele, nkambo kabali bazezhi. ¹⁷ Jeso wakabambila ati, "kamwiza amunchilile ndamupanga kuba bazezhi ba bantu." ¹⁸ Ndilyona bakashiya tunyandi ngona bamuchilila. ¹⁹ Jeso nakeenda kuya kumbele ashoonto,wakabona Jemus mwanakwe Zebedeya u johani munina; kabali mubwato balatunga kanyandi. ²⁰ Wakabompolola ngoona bamushiya ushabo Zebedayo mubwato uba sebezhi bamuchilila. ²¹ Bamane bakeza mu Kapenaumu, mu buzuba bwa Sabata, Jeso wanjila mu sinagogu ukuyiisha. ²² Bakazowa kuyiisha kwakwe, nkambo kakuli ukoya muntu ukwete insana inkando alimwi ushitali ukoya sha balembi. ²³ Unchona checho chiindi mulombwana wakuli mu sinagogu wakukwete moza mubiyabi wakalila, ²⁴ wamba, "Nchinzhi chitwachita kwako, ²⁵ Jeso waku Nazaleta? Sa weza kutuyaya? Ume ndikwizhi uwe. Ndiwe usalalisha wa Leza!" Jeso wakolemanina moza mubiyabi wamba ati, "Liinze amana muvwe mu muntu wezu!" ²⁶ Moza mubiyabi wakamuusha anshi wavwa waya wamushiya muntu ulapozomoka. ²⁷ Boonse bantu bakazhingwa, batalika kubuzhanya, "Nchinzhi chechi? Kuyiisha kupiya kukwete insana! Ulakonzha kwambila myoza mibiyabi ayo ilamutelela!" ²⁸ Impuwo yakwe yakaya muchishi choonse cha busena bwa Galileya. ²⁹ Nibakavwa mu sinagogi, bakeza munganda ya Saimon u Andulu, antomwi u jemusi u Johani. ³⁰ Inzho baina zhala Saimoni kali mulwazhi kalele, baamushimwina Jeso makani abulwazhi. ³¹ Inzho wakeza, wamukwata kwitashi wamuzhimuna; ngona wapona, ukutalika kusebeza. ^{32 34} Azo mangolezha izuba nilyakebila, bakableta bonse bakuli balwazhi uba kunjililwe myoza mibiyabi. ³³ Boonse bantu muchishi bakalundana amulyango. ³⁵ Waabuka chifumo fumo kakuchishiya anshi; wakaya ku busena bulinzile kukomba. ³⁶ Saimoni umbubakuli abo bakatalika kumukapula. ³⁷ Baamuyana ukumushimwina ati, "Boonse bantu balookapula." ³⁸ Wakaamba ati, "Katuya kubusena bunji kumashi ali mumbali kwamba ako nkayiishe. Nchichecho nchindezhila kono." ³⁹ Wakaya ku masena oonse a Galileya, kukambauka muma sinagogi ukutanda ma daimona. ⁴⁰ Shichinsenda weeza kwakwe. Ukumulomba; wafukama ukumwambila ati, "Naulazanda, nsalazha." ⁴¹ Wamufwila luse,Jeso waatambika itashi lyakwe uku mwaampa, ukumushimwina, "ndazanda. Salala." ⁴² Ngoona awo chinsenda chamushiya alimwi waasalala. ⁴³ Jeso wamuchenjezha ukumutuma waya. ⁴⁴ Wamushimwina ati, utasoli kushimwina naba womwi, pele koya, ukalintondezhe ku mukando wachikombelo, ukupa chipaizho chakusalala kwako Mozesi mbwakalailila,kwamba bukabe bumboni kwabo." ⁴⁵ Pele wakaya ku masena manji kuu mwaya mulumbe, chakuchita ati Jeso wakatalika kukachilwa kunjila mushishi pele kakala mumasena aakusakene.Nikuba bantu kabachiya kwakwe kuvwa mumasena oonse.