¹ Uninzho niyakamana insabata, lelyo nikwakaba kumanchela kubuzuba butaanzhi bwansunda, Maliya Magadalena umwi Maliya bakaya kubona kuchuumbwe. ² Ngoonaawo, kwakaba mundindimo mukandosha, mungelo waka Mwami wakaseluka kuhwa kwizeulu, wakashika wakunkulusha ibwe, amane wakalawo. ³ Kalibonya u koya mumuni, alimwi shisamwa shakwe kashituba ukoya ingubi. ⁴ Balindizhi bakazhangama kubukandu bakaba ukoya balombwana bafwu. ⁵ Angelo wakabaambila bakaintu wakaamba kwabo ati, "mutatiyi, kaambo ndizhi kwaamba mulakapula Jeso, wezo wakabambulwa. ⁶ Temo mono, pele wabuka, mbubona mbwaakaamba. Amuzhize mubone abusena Mwami ngaakulele. ⁷ Kamuya amufwambaane mukabashimwine bashichiiya bakwe, 'Wabuka kuhwa kubafwu. Amulange, ulaya ambele lyenu ku Galili. Koko mulakamubona,' Amulange, Ume ndamushimwina." ⁸ Baba bakaintu bakakuhwa chakufwambaana kuchuumbwe kabafwile bukandu u kubotelwa kunji kunji, bakalukanka kuya kushimwina bashichiiya. ⁹ Ngoonaawo, Jeso wakabaswaanganya waamba ati, "Ndamwaanzha!" Bakaintu bakashika, bakakwata kumatende akwe bamukomba. ¹⁰ Amane Jeso wakaamba kwabo ati, "Mutabi nimufwa bukandu. Kamuya mukabashimwine bakwesu baye ku Galili. Koko balakambona." ¹¹ Inzho lelyo bakaintu nibakakuya buya, Ngoonaawo, bamwi balindizhi bakaya mumunzhi mukando baya kushimwina bapayizhi bakando shintu shoonse shesho shakachitika. ¹² Awo bapayizhi kababonanine kale u bakando kando kubandika twaambo abo,Bakapa mali manji manji kubashilikani ¹³ babaambila ati, "Amukaambe kuli bamwi ati, Bashichiiya baka Jeso bazhiza mashiku beba mubili wakwe chiindi nitwaakoona.' ¹⁴ Naakuti wezu mulumbe u kamweenzhe muleli, uswe tulakabona bwakumushimwina kwaamba kaambo kakakuhwe kwenu." ¹⁵ Ngoonaawo bashilikani bakaabweza mali bamane bakachita mbubona mbukashimwinwa. Wezu mulumbe wakamwaala akati kaba Juda boonse nkuuchili u bwasunu. ¹⁶ Pele bashichiiya bali ikumi u womwi bakaya ku Galili, kulupili lolo Jeso nkwaakabaambila. ¹⁷ Awo nibakamubona, bakamukomba, pele bamwi bakashinshanya. ¹⁸ Jeso wakashika nkubabele wakaamba kwabo waamba ati, "Shoonse insana shapewa kwangu mwizeulu alimwi aanshi. ¹⁹ Kamuya ninzho mukabike bashichiiya kuhwa kumashi woonse. Mukabapapatizhe mwizhina lyaka Taata, ulya Mwana, alimwi ulya moza usalala. ²⁰ Mukabayiishe kutobela shintu shoonse shesho Ume nshindamushimwina. Amubone, Ume ndaakuli amwe lyoonse, kushikila kumamanino a chiindi."