¹ Inzho Josefa wakatempwa ukuwila abushu bwa baushi, ulimwi wakalila ukumushonta. ² Josefa wakalailila basebezhi u bashilishi kwaamba bobambe mubili wa baushi. Ubobo bashilishi bakobamba mubili wa Izilaili ³ Bakatola mazuba ali makumi one, nkaambo ngu mazuba ngubakutola kubamba mubili. Bana Ijipiti bakamulila kwa mazuba ali makumi chiloba. ⁴ Mazuba akulila nakamana, Josefa wakambila bashin'ganda ya Falawo, wamba, "naninzho ndayana luse kubushu bwenu, ndalomba mu mwambile Falawo kwaamba, ⁵ Bataata bakampa kupinga kwaamba, "Bona, ndili afwaafwi kufwa. Mukanzhike muchuumbwe nchindakalishila muchishi cha Kenani. Ukanzhikile nkuko.'' Inzho niinje nkabazhike ba taata, alimwi ndakazhoka.''' ⁶ Falawo wakataba ati, "Koya ukazhike bauso, mbubona mbuwakashomezha.'' ⁷ Josefa wakaya kuzhika baushi. Boonse basebezhi ba Falawo bakaya aze - bakando bakando ban'ganda yakwe, boonse u bakando kando ba milawo bachishi cha Ijipiti, ⁸ ubabo boonse bashinganda yakwe Josefa alimwi u banina balombwana, alimwi ubashin'ganda yakwe kwaushi. Pele banabo, matanga a mbelele akashaala ku Gosheni. ⁹ Shikochi ubashikweenzha imbizhi bakaya asho. Yakakuli inkamu inkando ya bantu. ¹⁰ Nibakashika a lubanza lwa atadi ku mutala umwi wa Jodani, bakoomoka cheetezha. Kolya Josefa wakakosola mazuba ali chiloba akulila baushi. ¹¹ Inzho bamukamwini chishi bana kenani, nibakabona kulila ku lubanza lwakumina butebuzhi ku Atadi, bakaamba, "Chechi nchiindi chibiyabi chakuusa kuli bana Ijipiti.'' Nchichecho busena nchubwakaulikilwa izhina lya Abelo Mizilamu, bwalo buli kubaala Jodani. ¹² Ubobo banakwe Jakobo bakamuchitila mbubona mbwakabalailila. ¹³ Banakwe bakamutola ku chishi cha Kenani ukuya ku muzhika muchuumbwe chili mu muunda wa Machpelah, kumbali ku Mamre. Abulahamu wakaula lupako lwebwe u muunda kwaamba bube busena bwa kuzhikila. Wakabuula kwa Ephron mu Hiti. ¹⁴ Nakamana kuzhika baushi, Josefa wakapiluka ku Ijipiti, walo u banina, alimwi ubabo bakamushindikila kuya kuzhika baushi. ¹⁵ Inzho banina Josefa balombwana nibabona kwaamba ushabo wafwa, bakaamba, ''No kuti Josefa atolelele bukali kuli uswe ulimwi azande kubweezha bubiyabi boonse mbutwakachita kwakwe?'' ¹⁶ Ubobo bakazanda kwaamba Josefa abe abe wo, balaamba, ''Bauso bakalailila kabatana kufwa, ati, ¹⁷ 'Mukamushimwine Josefa kwaamba, "Ndalomba abalekelele banina ku bubiyabi boonse alimwi u chibi nchibakachita kwako.''' inzho bakwatile basebezhi ba Leza wa bauso.'' Josefa wakalila chiindi nibakaamba kwakwe. ¹⁸ Banina bakaya alimwi ukufulika mashu abo kumbele lyakwe. Bakaamba, ''Bona, tuli batwanga bako.'' ¹⁹ Pele Josefa wakabaingula ati, "Mutatiyi. Sa ndi mubusena bwa Leza? ²⁰ Ukoya umwe, mwakakuchita kwaamba chinchise, pele Leza wakachipanga bubotu, kuhuna bumi bwa bantu banji banji ukoya mbumwabona bwasunu. ²¹ Ubobo mutafwi bukandu. Ndamuyovwa umwe antoomwi ubanenu bashoonto.'' Wakabaumbulizha munzhila yezhi ukubaambila cha luse ku myozo yabo. ²² Josefa wakakala mu Ijipiti, antoomwi u mukwashi wabaushi. Wakakala kwa Myaka ili mwaanda iikumi. ²³ Josefa wakabona banakwe Efulemu kushika kumazhalane otatwe Alimwi wakabona banakwe Makir mwanakwe Manase, balo bakubikilwe a manungo akwe Josefa. ²⁴ Josefa wakaamba ku banina ati, "Ndili afwaafwi kufwa; Pele Leza ulakashika kwenu ukumusololela kumukusha muchishi cheno kumutola ku chishi nchakashomezha kumupa Abulahamu, u Isaki,alimwi u Jakobo.'' ²⁵ Inzho Josefa wakashimwina bana ba Izilaili kwaamba bapinge. Wakaamba, Chini chini Leza ulakashika kwenu. Kuchiindi checho mulyelele kuya kubweza mafuw a angu kuvwa kono.'' ²⁶ Inzho Kosefa wakafwa u myaka ili mwaanda u ikumi. Bakoobamaba mubili bamane bobika mwikwati mu Ijipiti.