¹ Ngoona awo Jakobo wakompolola banakwe, ulimwi wakaamba: "Amubungane nubeni antoomwi kwaamba mwambile chikaamuchitikila kembele. ² Amubungane nubeni ukupupulala, umwe nubanakwe Jakobo. Amupulalekwa Izilaeli, ushenu. ³ Lubeni, ndiwe mwanangu mutaanzhi, bushinsana bwangu, matalikilo a bukando bwangu, wandeene mu bulemu, alimwi iinsana. ⁴ Wiina buchindulule ukoya meenzhi akunka, wiina nukaakwata busumpushi, nkaambo wakanjila kubulo bwa uso. Umane wakabusofwaazha; wandetela masampu. ⁵ Simiyoni u Levi mbabunina. Shilwanyo sha lumamba ngu macheba abo. ⁶ U moza wangu, utenjili munsangano yabo; U moza wangu, utenjili miswangano yabo, nkaambo mozo wangu ulizwile bulemu kuli azo. Ukuti mu bukali bwabo bakayaya bantu. Kakuli mukulibotezha nchimwakayaila basune. ⁷ Bukali bwabo bushinganyiwe, ukuti kabutizha - alimwi u bulemane bwabo, bwakaitilila. Ndakabandaanya mu bu Jakobo ukubasabalanganya mu bu Izilayeli. ⁸ Juda banyoko balakakutembaula. Itashi lyako lilakaba anshingo sha bashinkondonoko. Banyoko balafukama kumbele lyako ⁹ Juda mwana wa shuumbwa. Mwanangu, wabazunda ba shinkondo noko. Wakaseluka, Wakalaba ukoya shuumbwa, ukoya shuumbwa muzhazhi. walo wiina umubusha ? ¹⁰ Musako wa bwami kwiina nuti ukavwe mu matashi a Juda, nikuba kuvwa mwivwa lyakwe, kushikila Shilo akashike. Mashi alakamulemeka. ¹¹ Kwaanga imbongolo yakwe ku musaansa, u mwana wa mbongolo ku musaansa musale, wasanzha chikobelo chakwe mu wainialimwi u chakusama chakwe mu bulowa bwa michelo ya musaansa. ¹² Meso akwe alakashiya ukoya oukoya waini, alimwi u meno akwe alakatuba ukoya mukupa ¹³ Zebuluni ulakakala ku muuma wa lwatele. Ulakaba ngu mulando wa mato, alimwi munyinza wakwe ulakashika uku Sidoni ¹⁴ Isaka ni mbongolo ikwete insana, yalo ilele akati ka matanga a mbelele. ¹⁵ Ulakabona busene bubotu bwa mapumunino alimwi iinshi ibotelezha. Walo ulakateya mafunzhi akwe ku mikuli alimwi ulakaba musebezhi wa bamwi.