¹ Nikwamana sheshi shintu, izwi lya Yaave lyakashika kwa Abulamu mu chilengaano, ulyaamba ati, "Utatiyi, Abulamu! Ndime intobo yako alimwi ndime bulumbu bwako bukando.'' ² Abulamu wakaamba, "Mwami Yaave, Nchiinzhi nchukaampa, nkaambo ndakalisha ndiina mwana, alimwi shimulya izhina wa n'ganda yangu ngu Eliyeza waku Damasikasi? ³ Abulamu wakaamba, ubobo mbuwatampa lunungu, bona, umwi wazhalilwa mun'ganda yangu ngukaakona.'' ⁴ Inzho, amubone, izwi lya Yaave lyakeza kwakwe, lilaamba, "Wezu mulombwana takabi shilukono lwako; pele wezo ukaavwa mu mubili wako inguwe ukaakona.'' ⁵ Ngoona wakamukusha ansengwe u kwaamba, ''Langa kwizeulu, shibale intongwezhi, nakuti ulalozha kushibala.'' Ngoona wakamwaambila ati, "Mbubona u lunungu lwako mbulukaaba.'' ⁶ Wakamushoma Yaave, alimwi wakamubalila ku bululami. ⁷ Wakaamba kwakwe ati, "Ndime Yaave wakakukusha ku chishi cha ur cha bana Chaludi, kukupa inshi yezhi kwaamba wikone.'' ⁸ Wakaamba, ''Mwami Yaave, mbubuti mbwinkezhiba ati ndakekona?'' ⁹ Ngoona wakamwaambila ati, ''Ndetela in'gombe inchilile, impongo impwizhi ikwete myaka yotatwe yakuzhalwa, muchende wa mbelele ukwete myaka yotatwe yakuzhalwa, inzhiba alimwi u mwana wa Nkwilimba.'' ¹⁰ Wakamuletela shoonse sheshi, ukushikosola shipanzha shobile, amana ukushibika bulangene, pele bazuni wiina nakabandaanya. ¹¹ Bashikube nibakaseluka kulya mitunta, Abulamu wakabatanda. ¹² Kumabililo ezuba, Abulamu wakoona mutulo, inzho mushinze utizha wakamuhumba, ¹³ Ngoona Yaave wakamwambila Abulamu at, "Uzhibe kwaamba lunungu lwako balakaba beenzu muchishi chitali chabo, alimwi balakaba bazhike ukupenzhewa kwa myaka ili myaanda yone ¹⁴ Ndakachibeteka chishi checho nchibati bakasebezele, ulimwi kumamanino balakavwa u lubono lunji lunji. ¹⁵ Pele mulakaya ku bamaushenu mu luumuno, almwi mulakazhikwa kabotu mubuchembele. ¹⁶ Alimwi kulakaita mazhalane one kwaamba ba lunungu lwako bakapiluke alimwi kono, nkaambo shibi sha ba Amoli tashina kumaninina.'' ¹⁷ Izuba nilyakebila kwakashiya, bona, impoto ifuka bushi u muzenge shakaita akati. ¹⁸ Mubuzuba bobo Yaave wabaamba chivuminano u Abulamu, ulaamba, "Ku lunungu lwako loonse ndapa inshi yezhi, kuvwa ku Lweenje lwa Ijipiti kushika ku lweenje lukando lwa Ufuleti (Euphrates) ¹⁹ ba Kenaiti, ba Kenazati, ba Kadomo, ²⁰ baHiti, ba Pelizi, ba Lefa, ²¹ ba Amoli, bana kenani, ba Gigash, u ba Jebu.''