¹ Inzho Abulahamu wakakuvwa ku Ejipiti ukuya ku Negevu, walo, mwinakwe ulimwi ushesho shoonse shakakukwete. Loti aze wakaya abo. ² Inzho Abulahamu kali muhubi chini chini mushihubwa, mu siliva, u mu goludi. ³ Wakaitilizha lweendo lwakwe kuya ku Bethel kuhwa ku Negevu, kubusena koko kwakakuli ka tente kakwe akutaanguna, akati a Bethel u Ai. ⁴ Wakaya koko kwakakuzakilwe chipaililo kale kale. Awa wakoomplola izhina lya Yaave. ⁵ Inzho Loti, waka kweenda u Abulamu, aze kakwete matanga a mbelele u matanga a n'gombe u matente. ⁶ Inshi yakacheya kwaamba bakonzhe kukala antoomwi, nkaambo shihubwa shabo shakakuli shinji, chakuti kachitabi kwaamba bakale antoomwi. ⁷ Ulimwi kwakaba kuzwangana akati ka bembezhi ba Abulamu u Loti. Bana Kenani u bana Pelezi kabakala munshi yezho kuchiindi chelya. ⁸ Ubobo Abulamu wakambila Loti ati, "Akubule inkondo akati kesu, alimwi akati ka beembezhi besu; akuli, tuli ba mukowa. ⁹ Sa inshi yezhi yoonse teeli yako? Koya kumbele wandaane ame. Na ulaya kuluya lwa chimwenshi, ume ndaya ku luya lwa chilyo. Kuti ulaya ku chilyo, ati ume ndaya ku chimwenshi." ¹⁰ Inzho Loti wazhingulusha menso, ukubona ibanda lyoonse lya Jodani kwaamba kalili ibotu kushikila ku Zowa, ukoya muunda wa Yaave, ukoya inshi ya Ejipiti. Chechi kachili chiindi Yaave natakuna kuzonauna munzhi wa Sodoma u Gomola. ¹¹ Ubobo Loti wakasalabusena bwa Jodaniboonse ukuya kwiwe, ubobo bakandaana. ¹² Abulamu wakakala munshi ya Kenani, pele Loti wakakala mwibanda akati ka minzhi mikando ya mwibanda. Wakazaka matente ku Sodoma. ¹³ Inzho bantu ba mu Sodoma kabali ba shimuchita shibi ku bushu bwa Yaave. ¹⁴ Yaave wakamwambila Abulamu bamane kwandaana u Loti ati, "Langa kuvwa abusena nguzhimine kushika kwiwe, kumbo, kumbala ukuchibizhi. ¹⁵ Yoonse yezhi inshi njiwabona, ndakupa uwe uba mukowa wako lyoonse u lyoonse. ¹⁶ Ndakachita ba mukowa wako kuba ukoya musenga wa anshi, kwaamba nakuti kuli ukonzha kubala musenga waanshi ati uba mukowa wako balakakonzha kubalwa. ¹⁷ Zhimuka weende umbulamfu umubwamba bwa nshi, nkaambo ndakupa." ¹⁸ Ubobo Abulamu wakabweza itente lyakwe, ukuya kukala mu masamu a Mamre ali mu Hebuloni, amane wakazakila Yaave chipaililo.