¹ Ku bushu bwa Leza alimwi u Kilisito Jeso, wezo u ka kabeteka bapona alimwi u bafwile, u kaambo ka kubulika kwakwe alimwi u bwami bwakwe: ² Kukambauka izwi; libambile lelyo nikweelela alimwi u nikuteelela. Mubalamwe, u kubalemanina, u kubazumya zumya, u bushichamba alimwi u kuyiisha. ³ Chiindi chilakashika lelyo bantu nibakakaleka kuchilila injiisho shiluleme. Amana, balakalibikila lwabo beni ba maayi kwiingayina u mbubazanda, babo baamba shalo matwi abo nshaazanda kuteelela. ⁴ Balakakuhwa ku kupupulala a lushinizho, bamana balakazhokela twaambo twiina mulimo. ⁵ Pele uwe, ulyeezhi kululama munzhila shoonse. Humina kupenga; chita mulimo wa bukambaushi; u zuzukizhe mulimo wako. ⁶ U kuti Ume ndilibambile kale lufwu. Chiindi changu chakuya chashika. ⁷ Ume ndalwa inkondo imbotu; Ndashika ku chikwankwani; Ndalubamba lushomo lwangu. ⁸ Ndabambilwa mushini wa bululami, wezo walo Mwami, mubeteshi wa bululami, ulakampa mu buzuba bolya, alimwi kutali bulyo ume, pele u babo boonse bazandisha kuzhoka kwakwe. ⁹ Soleka kufwambaana kuzhiza kwangu. ¹⁰ Kaambo Demasi wakanshiya. Ulazandisha sha luundu amana wakaya ku Tesalonika. Kilesenisi wakaya ku Galatiya, aze tayitasi wakaya ku Dalumatiya. ¹¹ Ndisheele bulyo u Luka. Bweza Maako u muletelele kaambo ulalozha kunjohwa mulimo wezu. ¹² Tayikikasi ndakamutuma ku Efeso. ¹³ Ukandetele uchisamwa cheezeulu nchindakashiya kwa Kapasi, u kachiletelele wakazhiza, alimwi u mabuka, kwaambisha azo mabambye chikanda. ¹⁴ Alekizanda mufwuzhi wa shibulo wakantondezha michito ya bubi bwakwe bunji bunji. Mwami ulakamulumbula kwiingayina u michito yakwe. ¹⁵ Ulyeelele kulitantamuka lwako kuhwa kwakwe, kaambo wakaakazha chansana mazwi esu. ¹⁶ Indakabetekwa lutaanzhi, kwiina wakanzhiminina. Pele, boonse bakanshiya. Kutabi nibapewa mulandu. ¹⁷ Pele Mwami wakaakuli ame wakanzumya nzumya kwaamba ati, kwiita mwangu, bukambauke bwa mulumbe u kalozhe kuzuzukizhiwa, alimwi kwaamba ati boonse bahwamashi bakalozhe kuuteelela. Alimwi Ume ndakahunwa kuhwa mukanwa lya shuumbwa. ¹⁸ Mwami ulakanhuna kuhwa ku michito ya bubi boonse amana ulakanfwutula ku bwami bwa kwizeulu. U kwakwe kube bulemu kwa lyoonse u lyoonse. Ameni. ¹⁹ Mwaanzhe Pulisila, u Akwila, alimwi ing'anda yaka Onesifolasi. ²⁰ Elasitasi wakashaala ku Kolinto, pele Tulofimasi ndakamushiya kali mulwazhi ku Miletasi. ²¹ U kasoleke kwaamba wazhiza kootana kushika mweto. Ebulasi ulamwaanzha, uba Pudeni, Linasi, Kulodiya, alimwi u bakwesu boonse. ²² Mwami abe u myoza yenu. Luse alube amwe.