¹ Bashinshimi babeshi bakeza ku bantu, alimwi bamayi babeshi balakeza kwenu. Balakamuletela mazwi akuzonauna, alimwi balakamukaka Mwami wakabaleta. Balaliletela beni buzonauzhi akati kabo. ² Banji balakatobela nkaambo ka bumambe bwabo, alimwi umuli mbabo inzhila yabwini ilakazonaunwa. ³ Mubulyato bwabo balakamudyaminina kwita mumazwi abo abumpelenge. Kusubulwa kwabo kulazhiza ulimwi buzonauzhi bwabo tabulele. ⁴ Ukuti na Leza wiina kukabaleka bangelo bakabisha, pele wakabatola mwilambwe kwaamba bakwangilwe incetani sha mushinze kushikila buzuba bwa lubeta, ⁵ alimwi kuti wiina nakabaleka bulyo bashaakale, pele wakamubambilila Nowa, mukambaushi wa busalazhi, antoomwi ubamwi bali ciloba ciindi nakaleta izambangulwe a luundu lwa babo batashomi Leza. ⁶ alimwi kuti wakalobya minzhi ya Sodoma u Gomola kuya kuba itwe ukwizonanuna kwaamba cibe citondezho kuli cikaacitika kuli babo batamushomi Leza. ⁷ pele wakamuvuna Loti munamusalazhi, walo wakapenzhewa nkaambo ka shiyanza sha bumabe sha babo bataccilila mulawo - ⁸ ukuti wezo munamusalazhi, walo wezo wakakupona abo abuzuba abuzuba, wakapenzhewa mu moza wakwe wabunamusalazhi kwiita mukubona ukuteelela shiyanza shabo ushiteendelana u ⁹ mulawo-kuti mwami mwami wakashicita shintu sheshi, nkukuti ulizhi mbwakonzha kunununa babo batiya Leza kuvwa ku kubetekwa alimwi umbwakonzha kusunga babo batatiyi Leza muntolongo kwaamba bakapewe cisubulo mu buzuba bwa Lubeta. ¹⁰ Aza meni meni kuli babo bendela mu shiyanza sha bunyama alimwi ukutacilila bwendelezhi bwa Mwami Leza. Balalicitila mu mizeezo yabo ulimwi baina umbubalitiba ciindi nibatuka babo bali umbulemu. ¹¹ Bangelo balikwete insana shibaala pele baina nibaleta matushi kumbeta shabo ku Mwami. ¹² Pele baba bantu bali ukoya banyama batatelaiki kabotu, balazhalilwa ku kwatwa ukuzonaunwa. Mubuzonauzhi abo balazonaunwa, ¹³ kupengela kuchiswa ku bulumbu bwa kuchisa. Balatelaika ati kukala umbwaala mu bumi bwa anshi ndulutangalo. Babo mikwinkwizhi ashikobelo. Balatangalila shiyanza shabo shibiyabiciindi nibalya amwe. ¹⁴ Balikwete menso azwile bumambe; baina nibakutila kucita cibi. Balabotezha babo basepweleshi kwamba bacite shibiyabi, alimwi balikwete myozo yakayiishiwa bushachivule mwangu. Mbana bashinganye! ¹⁵ Beeshiya inzhila iluleme bamane basweeka, bacilila inzhila ya Balaamu mwanakwe Beyo, walo wakuzanda kulipilwa nkaambo kakucita shitasalali. ¹⁶ Pele wakacindululwa nkaambo kakubisha kwakwe - imbongolo itaamba yaamba mwiizwi lya muntu ulya maila kukasha mushinshimi kucita citaluleme. ¹⁷ Baba balombwana ntuzhiba twiina meenzhi alimwi ningubi intonkwa u muuwo. Mushinze ushiya mbi ulizobolelwe mbabo. ¹⁸ Balaamba mazwi aina unkwaaya. Mu shisushi sha bunyama, mubumambe, balabotezha bantu basoleka kuvwa muli babo bacili mushibi. ¹⁹ Balabashomezha lwanguluko, pele balo lwabo bacili mubuzhike bwa cibi. Ukuti muntu muzhike kuli coonse cimuzunda. ²⁰ Bafutuka kuvwa mushibi sha mu luundu kwiita mu luzhibo lwa Mwami u Mufutuli Jeso Kilisito alimwi bacilwishiwa ukuzunda, caninzho cilabaala ali mbabo kuvwa kuli citaanzhi. ²¹ Kachili cibotu kuli mbabo kutazhiba inzhila yabululami kubaazha kuzhiba bululami bamana bavwa mu mulawo wa busalali ngubakaletelwa. ²² Kaka kashimpi kaliluleme kuli mbabo: ''Mubwa ulaazhokela malushi akwe, alimwi ingulube ilazhokela muntimba."