¹ Saimoni Pita, mutwanga alimwi mutumwa waka Jeso Kilisito, kuli babo bakatambula lushomo lubotu ukoya uswe, lushomo mu buna musalazhi bwa Leza wesu alimwi u mufutuli wesu Jeso Kilisito, ² Inzho luse u luumuno lukomene mu luzhibo lwa Leza u Jeso Mwami wesu. ³ Kwiita mu nsana shakwe sha ku moza, shoonse shintu shizandika mu bumi umubusalazhi shakapewa kwesu kwita mu luzhibo lwakwe wezo wakatwiita mu bulemu bwakwe. ⁴ Umuli sheshi wakatupa shibotu ulimwi shishomezho shikando, kwaamba amwe mube ukoya mbwabele, umbuli mbumwafutuka kuvwa mushiyanza shamafunze sha mu luundu shiletwa u mizeezo ya bu satani, ⁵ Nkaambo ka chechi, amusolekeshe kuzunjila bubotu ku lushomo lwenu, alimwi ku bubotu muzungile luzhibo, ⁶ ku luzhibo muzungile kulichindulula ndubeni, kulichindulula nubeni muzungile buna Leza, ⁷ ku buna Leza muzungile lufuno lwa bunina, alimwi ku lufuno lwa bunina, amuzungile lufuno. ⁸ Kuti shintu sheshi shili muli umwe ukukomena muli umwe, shilakapa kwaamba mutakabi nikakilwa kweezha michelo mu luzhibolwa Mwami wesu Jeso Kilisito. ⁹ Pele kufumbwa wezo utakwete sheshi shintu ulizhibilwe kale kwaamba moofwu, ulubile kwaamba wakasanzhiwa kushibi nshakachita. ¹⁰ Ubobo, nubakwesu, amusolekeshe kuchita kwaamba bwite ubusale bwenu bube bwini bwini, ukuti na mwashichita sheshi shintu, mwiina nimukachita cibi. ¹¹ Munzhila yezhi mulakayulilwa mulyango mu bweene bwa Mwami alimwi Mufutuli Jeso Kilisito. ¹² Ubobo ndakulibambile lyoonse kumuzhibalusha sheshi shintu, nikuba kuti mulishizhi, alimwi nikuba kuti muli bazumu mulushinizho ndumukwete. ¹³ Ndashoma ncibotu kuli ume kwaamba ninchili mwitente, kwaamba muzunganye kwiita mukumuzhibalula. ¹⁴ Ukuti ndizhi kwaamba kumwaiwa kwetente lyangu kuli afwaafwi, nkaambo Mwami wesu Jeso Kilisito wanzubulwila aza. ¹⁵ Ndasoleka ca nsana kwaamba kukaboneke ati ndakakwiile mukalozhe kuzhibaluka shintu sheshi. ¹⁶ Ukuti uswe twiina nitwakatobela twaambo twakupanga panga ciindi nitwakazubulula makani ansana ukwiza kwa Jeso Kilisito, pele twakuli bakamboni ba bulemu bwakwe. ¹⁷ Ukuti wakatambula insana u bulemu kuvwa kwa Leza Ushi ciindi nakaletelwa izwi ku Bulemu Bukando, lilaamba, ''Wezu ngu mwanangu ngwimfwini, walo mulinguwe ndatangala.'' ¹⁸ Uswe lwesu twakalitelela izwi leli kuvwa kwizeulu lelyo nitwakakuli aze a lupili lu salala. ¹⁹ Nkaambo tulikwete mazwi mashinshime aba meni meni, alo ngumuti mwachita cintu cibotu nakuti mwapupulala mbubona ukoya kwi lampi limunika mu mushinze kushikila bwacha alimwi intanda yashika mu myozo yenu. ²⁰ Umuli shoonse, mulyelele kuzhiba ati kwiina bushinshimi bwa mazwi a Leza buvwa ku bupanduluzhi bwa muntu. ²¹ Ukuti kwiina bushinshimi bwakaletwa kuvwa ku Luzando lwa muntu, pele bantu bakaamba kuvwa kwa Leza ciindi nibakakwendelezhewa u Moza Usalala.