¹ Inzho moza ulachibika a tuba kwaamba ati ku mazuba azhiza bantu bamwi balakakuhwa ku lushomo balakabika mizeezo ku myoza ichenga injiisho shaba shikazwa ² shaba shikoopoopa babeshi, manjezheezha abo alipilingene. ³ Balakabakasha bantu kutwala alimwi balakazanda kwaamba ati batabi nibalya shakulya shesho Leza nshaakalenga kwaamba shitambulwe chakulumba kuli babo bashoma alimwi bezhi lushinizho. ⁴ Choonse nchaakalenga Leza nchibotu, alimwi kwiina chitambulwa kwiita mukulumba chikonzha kukakwa. ⁵ Kaambo chilasalazhiwa kwiita mwizwi lyaka Leza alimwi u kukomba. ⁶ Nakuti washibika sheshi shintu ku bakwesu, ulakaba musebezhi mubotu waka Jeso Kilisito. U kuti wakabambililwa kwiita mu mazwi a lushomo alimwi iinjiisho imbotu shesho nshiwakatobela. ⁷ Pele tukake twaambo twakutalemeka ntubazanda bakaintu bakando. U bobo, amuliyiishe nubeni mutwaambo twabuna Leza. ⁸ Kuzhibilizha mubili kulayohwa ashoonto, pele buna Leza bulayohwa mu shintu shoonse. Bulikwete chishomezho cha bumi bwa ninzho alimwi u bumi buzhiza. ⁹ Wezu mulumbe ulyeelele kutambulwa alimwi u kushomwa. ¹⁰ Nkukako uswe tulapenga ukusebezesha chansana. Kaambo uswe tulalangila mwa Leza upona, mufwutuli wa bantu boonse, pele kwaambisha babo bashoma. ¹¹ Balailile bantu alimwi u kubayiisha shintu sheshi. ¹² Kutabi naaba womwi u kunyansha u kaambo ka bukubushi bwako, pele ube chitondezho cha bashomi kwiita mukwaamba, kulilemeka, lufwuno, u mu lushomo, alimwi u kusalala. ¹³ Kushikila nkazhoke, kwatisha ku mulumbe, u kubazumya zumya, alimwi u kuyiisha. ¹⁴ Utabi nuuchilekelela chipo checho chili mwako, chakapewa kwako kwiita mu bushinshimi, u kubikwa matashi a bakando kando. ¹⁵ Shibambilile shintu sheshi. Shibe mwako, kwaamba ati nshuuchita shikozhe kubonwa ku bantu boonse. ¹⁶ Libambilile lwako umwini alimwi u kunjiisho. Tolelela mu shintu sheshi. Kaambo mu kuchita bolya, u lalifwutula umwini alimwi uba kuteelela.