¹ Paulu, Silivanasi, alimwi u Timoti ku chikombelo chaba Tesalonika mwa Leza Taata alimwi u Mwami Jeso Kilisito. Akube luse alimwi u luumuno nkumubele. ² Uswe lyoonse tulapa kulumba kwa Leza u kaambo kenu noonse awo nitumubanda choonse chiindi mu kukomba kwesu. ³ Tulamutelaika ambele lyaka Leza Tatesu ku milimo yenu ya Lushomo, kupengela lufwuno, u bushichamba bwakulindila mu lushomo mu Mwami Jeso Kilisito. ⁴ Bakwesu nubanakufwunwa baka Leza, tulizhi wakamusala umwe, ⁵ kaambo mulumbe wesu wakazhiza kwenu kutali mwizwi bulyo, pele lyakazhiza munsana, kwiita mu Moza Usalala, alimwi u mukushomezhiwa kunji kunji. Munzhila yezhi njiyona, mulizhi amwe mushobo wa balombwana mbutwakaakubele akati kenu u kaambo kenu. ⁶ Umwe mwakatwiiya uswe alimwi u Mwami lelyo nimwakatambula izwi mukupenga alimwi u kubotelwa kuhwa ku Moza Usalala. ⁷ Kumane bobo, mwakaba chitondezho ku bantu boonse mu Masedoniya alimwi umu Akaya kuli babo bakashoma. ⁸ Alimwi kwenu izwi lya Mwami lyakamuhwa mwenu, kutali bulyo mu Masedoniya alimwi umu Akaya, pele lushomo lwenu kwa Leza lwakamuhwa u masena woonse. Nikuba bobo tatweelele kwaamba chili choonse aali chechi. ⁹ Kaambo lwabo beni balapa bumboni bwa butambuzhi mbubwakaakubele akati kenu, alimwi umbumwakazhokoloka kwa Leza kuhwa ku shibumbwa kwiza kusebezela u pona alimwi Leza wabwini, ¹⁰ alimwi u kulindila kuzhoka kwa Mwanakwe kuhwa mwizeulu, wezo ngwaakabusha kuhwa ku bafwu---Jeso, wezo u kakatuhuna kuhwa ku bukali buzhiza.