^{2 3} Kita adalah Anak-anak Allah ¹ Janakilah batapa ganalnya kasih sayang Bapa barii kapada kita sahingga kita disabut anak-anak Allah, nang memang kita adalah anak-anak Allah. Karana nyitu, dunia kada manganal kita sabab dunia kada manganal Inya. Dangsanak-dangsanak nang kusayangi, wayahhini kita adalah anak-anak Allah, tatapi saparti apa kaadaan kita kaina -kaina hululah tajanak. Namun, kita tahu bahwa katika Inya babulik, kita akan manjadi saparti Inya karana kita akan manjanak Inya dalam kaadaan-Inya nang sabubujunya. Satiap urang nang ampun pangharapan nyia di dalam Kristus, Inya mambasuhakan awaknya, turai saparti Kristus adalah susi. ⁴ Satiap urang nang manggawi dusa jua malanggar hukum karana dusa adalah palanggaran tarhadap hukum. ⁵ Kawu tahu bahwa Kristus dinyatakan hagan mahaningakan dusa, lawan di dalam Dia kada ada dusa. ⁶ Satiap urang nang bautu dalam Inya kada manggawiakan dusa, tak saurang pun nang badusa talah manjanak atau manganal Inya. ⁷ Anak-anakku, janganlah di janakan saurang pun manyasatakan kawu. urang nang manggawi kabujuran adalah urang bujur, turai saparti Kristus adalah bujur. ⁸ Urang nang manggawi dusa basal dari hantu karana hantu talah bardusa sajak lawas. Anak Allah babulik hagan tujuan nyia; maramukakan kalakuan-kalakuan hantu. ⁹ Kada saurang pun nang lacit dari Allah manggawi dusa karana Inya talah dilacitakan dari Allah. ¹⁰ Dangan damikian, kawu kah anak-anak Allah lawan siapakah anak-anak hantu manjadi wa'as. Urang nang kada manggawi kabujuran kada baasal dari Allah, damikian jua nang kada manyanyangi dangsanak-dangsanak. ¹¹ Sabab, nyialah barita nang kawu dangar sajak wayah nyia, yaitu harus saling manyayangi. ¹² Jangan manjadi saparti kain, nang barasal dari nang kudu lawan nang mamatii adiannya. Dan, mangapa kain mamatii adiannya? Sabab gawian kain kudu lawan gawian adiannya bujur. ¹³ Dangsanak-dangsanakku, jangan mahirau kalau dunia nyia manyariki kawu. ¹⁴ Kita tahu bahwa talah lacit dari kamtian manuju kahidupan karana kita manyayangi dangsanak-dangsanak. Urang nang kada manyayangi dangsanaknya bautu di dalam kamatian. ¹⁵ Satiap urang nang mayariki dangsanaknya adalah saurang mamatii, lawan kawu tahu bahwa kada ada mamatii nang diampunya hidup kakal lawan di dalam awak. ¹⁶ Baginilah kita manganal sayang; Yesus Kristus talah basarah hidup-Inya hagan kita, Jadi, kita jua harus basarah hidup kita hagan dangsanak-dangsanak kita. ¹⁷ Namaun, apabila urang diampunya harta duniawi, lawan manjanak dangsanaknya nyitu, bagaiaman angkuhan sayang Allah ada di dalan hatinya? ¹⁸ Anak-anaku, kaiyalah kita manyayangi bukan dangan ucapan-ucapan atau ilat, malainkan dangan gawian lawan kabujuran. ¹⁹ Dangan nyia, kita akan tahu bahwa kita barasal dari kabujuran lawan kita akan managuhi hati kita di hagaan Allah. ²⁰ Sabab, apapbila hati kita manyalahan kita, Allah labih ganal daripada hati kita, lawan Inya mangatahui sagala sasuatunya. ²¹ Dangsanak-dangsanaku nang ku sayangi, jika hati kita kada manyalahakan kita mamiliki kayakinan awak di hagaan Allah. ²² Apapun nang kita inta, kita manarimanya dari Allah karana kita maumpati suruhan-suruhan-Inya lawan manggawinya apa nang bakanan kapada-Inya. ²³ Lawan nyialah suruhan Allah, yaitu supaya kita parcaya dalam ngaran anak-Inya, Yesus Kristus, lawan kita saling manyayangi saparti nang talah Inya suruhan kapada kita. ²⁴ Urang nang manuruti suruhan-suruhan Allah bautu di dalam Inya, lawan Allah bautu di di dalam kita. Dangan nyia kita tahu bahwa Allah bautu di dalam awak kita, ulih Ruh nang Allah karuniakan kapada kita.