¹ Anak-anakku, manulisakan hal-hal nyia kawadah kawu supaya kawu jangan barbuat dosa.Namun, jaka ada nang maulah dosa,kita mampunyai pambila dimuka Bapa,yaitu Kristus Yesus,nang bujur nyitu. ² Kaulah korban pandamaian bagi dosa-dosa kita.lawan,lain hagan dosa -dosa kita saja,malainkan jua hagan dosa -dosa saluruh dunia. ³ Imbahnya kita tahu bahwa kita pinandu Allah, yaitu jaka kita manaati parintah -parintah -Nya. ⁴ Orang nang baucap, ''Aku pinandu Allah,'' tatapi kada manaati suruhan-suruhan Nya, ia adalah saorang panipu lawan kabujuran kada ada di dalam ampunnya. ⁵ Akan tatapi,siapa nang manaati firman- Nya,kasih Allah talah bujur - bujur sampurna di dalam awaknya. Damikianlah kita tahu bahwa kita di dalam Dia. ⁶ Orang nang mangatakan bahwa ia bautu di dalam Allah, ia harus hidup turai saparti Yesus hidup. Mangasihi Sasama lawan Malakukan Kahandak Allah ⁷ Dangsanak - dangsanak nang kukasihi, aku kada manulisakan panyuruh hanyar kawadah kawu, malainkan suruhan lawas nang talah kawu miliki sajak panambayan. suruhan lawas nyitu adalah Firman nang talah kawu dangar sajak panambayan. ⁸ Namun, aku jua sadang manulisakan pasuruh hanyar bagi kawu nang adalah bujur di dalam kawu karana kakadapan sadang balalu lawan tarang nang bujur sakarang basinar. ⁹ Orang nang baucap bahwa ia ada di dalam dawai, tatapi manyariki dangsanaknya, maka ia sana ada di dalam kakadapan sampai wayahnyia. ¹⁰ orang nang mangasihi dangsanaknya bautu di dalam dawai lawan kada ada saikungpun nang maulahnya manjadi tahayut. ¹¹ Akan tatapi, ia nang manyariki dangsanaknya barada dalam kakadapan lawan bajalan dalam kakadapan. Ia kada tahu kamana ia tulak karana kakadapan talah mamicakakan matanya. ¹² Aku manulis kawadah kawu, hai anak-anak, sabab dosa-dosa kawu sudah diampuni dami ngaran-Nya. ¹³ Aku manulis kawadah kawu, hai abah-abah, karana kawu talah tahu Dia sajak dari panambayan. Aku manulis kawadah kawu, hai orang-orang muda, karana kawu talah maalahakan si jahat. Aku manulis kawadah kawu, hai anak-anak, karana kawu talah tahu Bapa. ¹⁴ Aku manulis kawadah kawu, hai abah-abah, karana kawu talah tahu Dia sajak dari panambayan. Aku manulis kawadah kawu, hai orang-orang muda, karana kawu gancang, lawan firman Allah bautu di dalam kawu, lawan kawu talah mangalahakan si jahat. ¹⁵ Janganlah mahadaki dunia nyia atau hal-hal nang ada di dalam dunia. jaka saorang mahandaki dunia, kasih Bapa kada ada di dalam dia. ¹⁶ sabab sagalaan nang ada di dalam dunia, yaitu kahandak lunak, kahandak mata lawan kasombongan hidup kada baasal dari Bapa, malaikan dari dunia. ¹⁷ Dunia sadang haning basama dangan kahandaknya, tapi orang nang malakuakan kahandak Allah akan hidup salawas-lawasnya. Jangan Maumpati Anti-Kristus ¹⁸ Anak-anak sakarang nyia adalah jaman paampihan; lawan saparti nang sudah kawu dangar anti-Kristus, akan datang, bahkan wayah nyia utah anti-Kristus talah datang. Damikianlah kita tahu wayah nyia adalah zaman paampihan. ¹⁹ Buhanya datang dari antara kita, tatapi buhanya lain bagian dari kita. Sabab, jika buhannya bagian dari kita, buhanya akan tatap lawan kita. Namun, buhannya maninggalakan kita sahingga nyata bahwa buhannya lain bagian dari kita. ²⁰ Akan tatapi, kawu talah mamiliki pengurapan dari Nang Kudus, lawan kawu mangatahui sagalanya. ²¹ Aku manulis kawadah kawu bukan karana kawu balum mangatahui kabujuran, malainakan karana kawu mangatahuinya lawan karana kadada pandusta nang baasal dari kamaihan. ²² Siapakah pandusta nyitu jaka bukan nyia nang kada mengakui bahwa Yesuslah Sang Kristus? Nyitulah anti-Kristus, orang nang kada mengakui Abah maupun Anak. ²³ Siapa pun nang kada mengakui Anak kada mamiliki Abah. Akan tatapi satiap orang nang mangakui Anak, ia jua mamiliki Abah. ²⁴ Gamaha apa nang talah kawu dangar sajak panambayan tatap bautu di dalam kawu. Jaka apa nang talah kawu dangar dari panambayan tatap bautu di dalam kawu, kawu jua akan tatap bautu di dalam Anak lawan Abah. ²⁵ Lawan, nyiatih janji nang Dia bariakan kapada kita, yaitu hidup kekal. ²⁶ Sagalaan hal nang talah aku tulisakan lawan kawu nyia, bakambitan dangan buhannya nang bausaha manyasatakan kawu. ²⁷ Namun, urapan nang talah kawu tarima dari Dia tatap bautu di dalam kawu, lawan kawu kada parluh orang lain hagan malajari kawu. Akan tatapi, karana pengurapan-Nya nyitu malajari kawu tantang sagala sasuatu-- lawan hal nyitu adalah bujur, bukan dusta-- sabagaimana Ia talah malajari kawu, tataplah bautu di dalam Dia. ²⁸ Wayahnyia, anak-anak aku, bautulah di dalam Dia supaya katika Ia menampaiyakan awak, kita memiliki kayakinan awak lawan kada supan di hadapan Dia pada saat kadatangan-Nya. ²⁹ Jaka kawu tahu bahwa Ia adalah bujur, kawu jua tahu bahwa satiap orang nang malakuakan kabujuran, lacit dari Dia.