¹ ''Uku mungelo wa mung'anda yamapepo mu Sadisi walika: 'Amazwi yakwe wino ali ni mipasi yisano nayili yakwe Leza ni nthanda zisano na zili (7). ''Manyile vino muwomvile. Mukweti izina ilyakuti mwe yawumi, kwene mwe yafwe. ² Zyukini nukupa amaka kuli vino vikusyalichila kweni vili apapipi ukufwa, apamulandu wakuti nthazanyile imilimo yinu iyisile apamanso yakwe Leza wane. ³ Yizukini, alino, chino mupochelile nukuchuvwa. chichindikini, nukulapa. Kwene kweni ndi musikukatuka, ndiza ngati umupupu, nupya mutali manya insita yino ndiwizila mwemwe. ⁴ Kweni mukweti amazina yanono mu Sadisi yano yatafisizye ivyakuzwala vyawo, nupya yalapita na nene, yalazwala ivitiswe, pano yalingine. ⁵ Wino akuchinvya alazwala imyenda iyitiswe, nupya nthalitala inzimye izina lyakwe ukufuma mwi Buku lya wumi, nupya ndimuyichila uwukamboni izinalyakwe panso yakwe Tata wane, namanso ya mungeli yakwe. ⁶ Lekini wino akweti itwi,awuvwe vino umupasi mung'anda zya mapepo.''' ⁷ ''Uku mungelo wa mung'amda ya mapepo iya ku Filadesiya walika: 'Amazwi yakwe wino umutiswe ni chumi-akalema kii wakwe Davide, akayula nupya pasi wino akayala, akaya nupya nawumwi wino angayula. ⁸ '''Imanyile imilimo yinu. Lolini, nawayika mwemwe pa mulyango uwuyulike. Manyile ukuti mukweti amaka yanono, kwene muchindike izwi lyane nupya mutakanyile izina lyane. ⁹ Lolini! Nipanjisya ukuti yano yali kusinagogi yakwe Satana, yano yakuyama uwu Yuda kweni nsawoliwo kwene ayawufi nimaleka yize nukufukama pansi pankholelo pamatamba yinu, kapya yalamanya ukuti nawatemwa. ¹⁰ Pakuti mwasunga isunde lyane apakuyilema, nani kwene nimawasunga ukufuma pansita iyakweziwa yino yikwiza umunsi yonsi, ukwiza yezya ayanthu yano yikala munsi. ¹¹ Nkhwiza likwene. Lemashini chino muli nacho ukuti kutaya wumwi uwakuwapoka imphumphu yinu. ¹² Wino akuchimvya ndamupanga umupanda mung'anda iyikalamba yakwe Leza wane. Atalitela afume nupya kunzi, nupya ndiwalika pali weliwe izina lyakwe Leza wane, izina lya musumba wakwe Leza wane(Yelusalemu umupya, wuno wukayika pansi ukufuma kwiyulu kuli Leza wane), nizina lyane ilipya. ¹³ Lekini wino ali nikutwi, uwuvwe vino umupasi wukuvwanga umumang'anda yamapepo.''' ¹⁴ ''Uku mungelo wamung'anda yamapepo iya ku Lawodisiya walika: 'Amazwi yakwe Ameni, umusuwalilwa nupya nuwukamboni uwachumi, nupya kateka wavwelewulwa vyakwe Leza. ¹⁵ ''Namanya imilimo yinu nukuti simweyazuke pamwi mweyakaye. Nkulonda ukuti ngali mwayanga mwe yazuke pamwi mwe yakaye! ¹⁶ Achino, pamulandu wakuti musi nanthi pamwi-nanthi ukukaya pamwi nanthi ukuzuka-ndi papipi ukuwaluka ukufuma mumulomo wane. ¹⁷ Pano mukalanda ukuti, 'nemukankhala, nakweti iviya ivivule, nupya pasi chino nkhulonda. 'Kweni mutakumanya ukuti mwe yachule, mweyasowelwe, mweyapela malanda, mweyapina, yanthonkho, nupya tupu. ¹⁸ Wuvwichinsini kwisambilizyo lyane: Nkhali golide umwengwe nu moto ukuti muye mwe yakanhkala, nupya nivyamumyenda iyitiswe iyakuti mungayizwika mweyenecho ukuti mutalanjizya insonyi zya wutupu winu, nupya nukupaka amafuta mumanso yinu ukuti mwalola. ¹⁹ Nkumusambvilizya wensi wino namukunda, nupya nkhawasambilizya vino yangikala. Alino, suwilini nukulapa. ²⁰ Lolini, nimilile pamulyango nupya nkhukong'onsya. Ndiwino akuzwa izwi lyane nukuyula umulyango, nimayiza mung'anda yakwe nukwizalya nawe, weliwe na nene. ^{21 22} Wino akuchimvya ndimupela insambu zyakwikala pansi nanene pawuteko wane, ngati vino nachimvizye nukwikala pansi na Tata pawuteko wakwe. Lekini wino akweti ikutwi, vino umupasi wukuvwanga kumang'anda ya mapepo.'''''