1 Kuno ukuwumbula kwakwe Yesu Kilisitu wino Leza wamupile weliwe ukulanjizya ayawomvi chino chilingine ukuwombwa likwene. Wachipanzile ukuti chimanyikwe pakutuma umungeli wakwe kumuwomvi Yohani. 2 Yohani wayisile uwukamboni kwizwi lyakwe Leza nuwukamboni wakwe Yesu Khilisitu, vyonsi ivinthu vino waweni. 3 Umupolelwe wino akawazya umwakukwezya uwusesemo wuno nayano yakuvichisya kumazwi yawusesemo wuu nayano yakuvwila vino vyawalikwa mukasi, pamulandu wakuti insita yili pa pipi. 4 Yohani, kung'anda zyamapepo zisano nazili: Uwiula uye na mwemwe numutende ukufuma kuli wino alipo, nawino waliko, nawino akwiza, nukumipasi yisano nayili vino vili pankholelo pa chilimba chakwe, 5 nukufuma kuli Yesu Kilisitu, wino akamboni wamulungamane, katote wakufuma kuyafwe, nakateka wakwe yamwene yamunsi yapansi. Wino akalamula nukuti akatusapila sweswe kumaluyembu yitu muwazi wakwe-- 6 watupanga sweswe ukuya uwumwene, na yasimapepo yakwe Leza na yisi wakwe-kuli weliwe kuye uwuchindame na maka yakwe penape. Ameni. 7 Lola, akwiza mumawingo; ilinso lyonsi lilamulola, ponga nayano yamulasile. Imitundu yonsi iyapansi yilalila umusango wakwe weliwe. Eya, Ameni. 8 ''Newanthandiko nuwawumalilo.'' ukuvwanga Mwene Leza, ''awenga wino wali, nawino ali pakwiza, uwamaka.'' 9 Nene, Yohani-nemuzo wino akwankhana namwe muwuchuzi nu wumwene nukutonthelela uwuchuzi wuno wuli muli Yesu-pamusili wapakasi pali yemba wuno wukayamwa Ptimosi pamulandu wizwi lyakwe Leza nuwukamboni ukuyana na Yesu. 10 Nalinji mumupasi pawanda wakwe Mwene. Nuvwile izwi ilikalamba ngati atululu. 11 Lyatili, ''Walika chino ukulola mwikope, nukuvituma mu mang'anda yamapepo yasano na yayili-kuli Efeso, ku Samayina, ku Tayatila, ku Sadisi, ku Filadefiya, naku Ladesiya.'' 12 13 Nasenwike nukulola izwi lino lyavwanganga kuli nene, nukuti lino nasenuka naweni ivyakuyikapo ulukozyo vyakwe golide. Apakasi