¹ Lino vyachitika ivinthu vii nuvwile kuno kukuvwika ngati izwi lyakupunda ilyayanthu ayavule mupela yakupunda ukuti, ''Haleluya. Ukupusuka, uwuchindame na maka ivyakwe Leza witu. ² Ukupingula kwakwe ukwamolimo nuwulungamane, pakuti wamupingwile umuchende umukalamba wino wononyile ninsi nivwawuchende wakwe. Wawezezizye uwazi wakwe yakawomba yakwe ukufuma mumakasa yakwe.'' ^{3 4} Yavwanzile kakwe chili: ''Haleluya! ichunsi chikunyamuka kuli weliwe chakwe pe na pe.'' Ayakalamba amakumi yayili na yane niviwumbwa vyawumi vine vyaponyile pansi nukumupepa Leza, wino wikazile pachilimba cha wumwene. Yatinji, ''Ameni. Haleluya!'' ⁵ Apano izwi lyafumile muchilimba chawumwene likuti, ''Lumbanyini Leza witu, mwensi mweyakawomba yakwe, mwemwe mweyano mukamutina, wonsi ayambula ukulondwa na yamaka.'' ⁶ Apano nuvwile kuno kuvwikanga ngati izwi ilyayanthu ayavule, ngati ukupoma kwa manzi ayavule, nupya ngati ukung'antha ukuti, ''Haleluya! Pakuti Mwene akulamula, Leza wino akalamula wonsi. ⁷ Tuyini tusechele nukukunda nukumupa weliwe uwuchindame! Pakuti ukusechela kwa winga wamwana wang'onzi wiza, nukuti nawinga wakwe ayipekanyizye. ⁸ Azumilizyike ukuzwala ichakwaka ichisuma ichitali'' (Pakuti ichakuzwala ichisuma ichitali ichilungamane kumilimo yawanthu ayatiswe yakwe Leza). ⁹ Umungelo watili kuli nene, ''walika chii: Ayapolelelwe yano yakuwama ku winga wavyakulya vya mwana wa ng'onzi.'' Watili nupya kuli nene, ''Yaa amazwi ayachumi yakwe Leza.'' ¹⁰ Naponyile pansi pamatamba yakwe pakumupepa weliwe, kweni watili kuli nene, 'Utachita chii! nekawomba muzo nawuzo yano yanyamwile uwusimisi wakwe Yesu. Pepa Leza, pakuti uwusimisi wakwe Yesu umupasi wawusesemo. ¹¹ Apano naweni kwi yulu kwa yuluka, nupya kwali imphunda iyitiswe. Wino wakwezile wamwanga uwisuwilo numolimo. Amuwumolimo muno akapingwila nukulwa. ¹² Amanso yakwe yalinji ngati umoto wuno wukwaka uwakutinya, namumutwe mwakwe muli inkhofwela izivule. Ali nizina lino lyawalikwa paliweliwe lino nanthi wumwi wino walimanya kweni umwenecho. ¹³ Akazwala umuselekesye wuno wazuwikwe mu wazi, nizina lyakwe lyamwanga izwi lyakwe Leza. ^{14 16} Ayasilika yamwiyulu yamukonkhanga pamphunda iyitiswe, yazwazile imyenda iyitelemuchile, iyitiswe iyiswepe. ¹⁵ Mumulomo mwakwe mwafumanga ichimayi ichikali chino wumilanga insi, nukuti alawakolelela ni nsonzo ya chela. Walyasile ichakufenela uwengwa uwawukali wakwe Leza wamaka wonsi.--------------------- ^{17 18} Naweni umungeli ayimilile pa musanya. Wapunzile nizwi ilikulu ku tunyi tonsi utwakupapuka pamutwe, ''Izini,