¹ Pawulo na Timoti, ayawonvi yakwe kilistu yesu, uku yantu wonsi ayatiswe muli kilistu yesu yano yali uku filipi, ponga nayakulolela nayavwilizi. ² Lekini inkumbu ziye namwe numutende ukufuma kuli leza tata witu na mwene yesu kilistu. ³ Nkatayizya leza tata wane insitazyonsi ndinkuwizuka mwemwe, ⁴ lyonsi, umwipepo iyane lyonsi lyakwe mwemwemwensi, ukuyika ipepo iyane ni chimwemwe ⁵ pamulandu wakuya ponga kwinu umwilandwe lisuma ukufuma pa wanda wakutalika mpaka nomba. ⁶ Nasuwila muchintu chii, ukuti wino watalika intchito iyisuma muliwewe alapitilizya ukuyimalizya mpaka pa wanda wakwe yesu kilistu. ⁷ Ichakulondwa kuli nene ukukwanisya inzila yii vyakwe mwemwe mwensi pamulandu indi namwemwe umumwenzo wane. Mwensi mwayanga pamwi nane umunkumbu nu muwunyepwe wane nu mukuchinjililwa kwane nupya nukusimichizya kwilandwe ilisuma. ⁸ Leza akamboni wane vino nkukumbwa ukuwalola mwemwe mwensi nulukundo lwinu lwakwe Kilistu Yesu ⁹ Achino lii ipepo lyane ;Ukuti ulukundo lwinu lungakulilila kulilila umu mano nu mukuvwichisya konsi. ¹⁰ Ukuti pamwi mungize musimichizye vino ivisuma nkani nukuti pamwi mungaya mwe yatele nukwawula umulandu mpaka pa wanda wakwe kilistu. ¹¹ Ukuzula nichikomwa cha wulungamane chino chikayiza ukupililamuli Yesu Kilistu kuwuchindame nukulumbanya kwakwe Leza. ¹² Nomba nkulonda kuno mumanye ya kundwe, ukuti chino chinchitichilechavwa nkani pakusasya itandwe lisuma. ¹³ Ngati pavyakukonkapo, iminyololo yane muli kilistu yizile ukuwutiswe monsi namonsi na konsi kuli yakalonda yang'anda ya wumwene na kuliwensi. ¹⁴ Ayakundwe ayinji yali nisuwilo ilikulu ilyapatali muli Mwene pa mulandu wa minyololo yane, nupya amaka pakuvwanga izwi. ¹⁵ Yamwi ichendi napano yakavwanga vyakwe Kilisitu Kilisitu pavyawuzuwa ni vyakutalikana, nupya yamwi yataya nukulonda ukusuma. ¹⁶ Ayachisila yakawomba ukufuma mulukundo, nukumanya ukuti njisilwe paa ngati ne wakuchinga ilandwe ilisuma. ¹⁷ Kweni ayamphiti yakamuvwanga Kilisitu uwuyi umukuyitemwa nukuyilola, umuwusuma pole. Yakayelenganya ukuti yangangonjelezya ivyakuwaya pano indi umuminyololo. ^{18 19} Ichani nomba? Pakuti sile umunzila yili yonsi-- manyi ukufuma munzila zyawufi pamwi ukufuma kuwumolimo--Kilisitu akulondwa, nga namuli chii nkhusechela. Umolimo, nupya indasechela, pano nkhumanya ukuti chii chilanjisya ukuti nsapulwe ukupitila mumapepo yinu nuwavwilizi wa Mupasi wakwe Yesu Kilisitu. ²⁰ Ukulimbichila kwa kulindilila kwane ni suwilo lino munzila yiliyonsi inthasonzyeka insonyi, kweni muli vyonsi nomba ngati umujimbe wensi, nomba na lyonsi alikwezyeka umumwili wane, nthanzi ukuwi pamwi ukuwufwe. ²¹ Pano kuli nene ukwikala a Kilisitu nupya ukufwa ukupindula. ²² Kweni ndiningaya nuwumi kumwili, chino chikusula ichilambu ichisuma chakwe nene. Pano ichakusola ichani? nthamanya. ²³ Pano nfwenyike sana pakasi pali vili. Ukulonda kwane ukukatuka nukuyayikala na Kilisitu, chino ichisuma ukulusya, ²⁴ fwandi ukwikalila ivyakumwili ichakulondwa sana ukumbali yinu. ²⁵ Pakwikuta na chii, nkumanya ukuti ndikala nukupitilizya na mwemwe mwensi, nukufukafuka kwinu ninsansa mwisuwilo, ²⁶ ukuti muli nene mungaya nivifukwa ivivule payikwezya muli Kilisitu Yesu ndipano nkhwiza nupya kuli mwemwe. ²⁷ Yisungini sile mweyenecho mukikalile akakulondwa akamwizwi lyakwe Kilisitu, ukuti napano ndi nkhwiza pakuwalola pamwi insipo, ninguvwa ninguvwa vyakwe mwemwe, ukuti mwimilile na maka umumupasi wonga, numwenzo wonga ukulwisi apalipamwi ivisuwilo lyilandwe ilisuma. ^{28 29 30} Mutaya ni nthete munzila yonsi kuli yano ayalwani yinu. Chii ichimanyilo kuli woliwo kukononeka kwawo, kweni ukwawupususi winu--na chii ukufuma kuli Leza. Pano chapelwa uwila kuli mwemwe pamulandu wakwe Kilisitu sukusuwila kutupu muli weliwe, kweni nukuchula kwene pamulandu wakwe, paya nukulwana ukuli kumwi kuno mwaweni muli nene, nukuti nomba mukuvwa muli nene.