¹ Nomba, yanji, tupepelanji izwi lyakwe mwene lipite zuwa nukuti lichindamikwe, ngati muno mupya liyelile na mwemwe, ² nukuti ukuti tusapulwe ukufuma kuwuyipe na kuyanthu ayayipe, pakuti sawonsi yali ni suwilo. ³ Kweni mwene umusuwilwa, wino amawakomya nukuwachinjilila ukufuma kumuyipe. ⁴ Tuli nisuwilo muli Mwene na mwemwe, ukuti mwensi mukuwomba nukuti mumapitilila ukuwomba ivinthu vino ivinthu vino vino tukulamula. ⁵ Lekini Mwene atungulule imyenzo yinu ku lukundo lwake Leza nukujimba kwakwe Kilisitu. ⁶ Nomba tukuwalamula, yanji, mwizina lyakwe Mwene witu Yesu Kilisitu, ukuti ukuti mufumeko kuyawuzo wonsi yano yano yaya ayakasu nukuti yasiyikala ukulingana nivisambilizyo vino mwapochelela ukufuma kuli sweswe. ⁷ Pakuti mwemwe mwenga mwamanya ukuti chili ningo sana kuli mwemwe pakutukontcelela pamulandu wakuti swemo tutali sweyakwikala sile pano twali na mwemwe. ⁸ Tutalile umukate wakwe wumwi uwawula ukulipila, kweni twawombanga uwusiku numusanya mumilimo iyikome numwakulwisya, nukuti tutaya sweyakuyuvwa kuli wumwi wakwe mwemwe. ⁹ Twawomvile chii sumulandu wakuti tusi ninsambu, kweni twawomvile chii ukuti tuye swechilanjizyo kuli mwemwe, umwakuti mukonkhe sweswe. ¹⁰ Pakuti pano twali na mwemwe, twawalamwile, "Wino atakulonda ukuwomba atalya." ¹¹ Pakuti tukuvwa ukuti yamwi muli mwemwe yakapita katakata, yasifukafuka pa milimo, kweni yakafukafuka ni myili yawo. ¹² Nomba wawo tukuwalamula nukuwakwezya muli Mwene Yesu Kilisitu, ukuti yawomba nukutonthelela nukuti yalya imikate yawo. ¹³ Kweni mwemo, yanji, mutatontha pakuwomba ningo. ¹⁴ Nukuti ndiwumwi asikuvwila izwi litu muli kalata wii, mumumanyile wiyo nukuti mutayizya nawe, umwakuti ansinziwa insonyi. ¹⁵ Nomba utamusenda ngati umulwani, kweni umuchenjezya ngati umuzo. ¹⁶ Nomba Mwene wamutende weliwe wenga awape umutende munsita zyonsi munzila zyonsi Mwene aye namwe mwensi. ¹⁷ Nene, Paulo. nkhuwalika chii nikasa lyane, chino ichimanyilo pali yakalata wonsi yano nawalika. ¹⁸ Uluse lwakwe Mwene witu Yesu Kilisitu luye namwe mwensi. Ameni.