¹ Nomba ivyakwiza kwa Mwene witu Yesu Kilisitu nivyakukongana ponga nawe, tukuwanena, yanji, ² kuno mutapepuka ukuwavulunganya mumelengwi pamwi ukuchula, nanthi ukumupasi, pamwi ukwizwi, pamwi kuli kalata wino angaya ngati wafuma kuli sweswe ukuyana nukuti uwanda wakwe Mwene wati wufika kali. ³ Mutaleka wumwi awayipe munzila yimwi. muno chitaliza mpaka ukupona kwize kutalichile, nga numunthu uwawula amasunde wawumbukwa, umwana wawuchononyi. ⁴ Wii awino akasusya nukuyipela amaka pali chonsi chino chikwamwa Leza pamwi chino chikapepelwa. ichakukonkhapo chikaya ichakuti, akayikala mwitempheli lyakwe Leza nukuyama ngati a Leza. ⁵ Uzye musikwizuka kuno pano nali namwe nawanenyile ivinthu vii? ⁶ Nomba mwamanya chino chikamulesya, ukuti ayize awumbulwe pansite iyenecho. ⁷ Pano inkhama yamaka yaluyembu yitalike kali ukuwomba, ukuti pali sile wumwi wino akumulesya nomba mphaka yamufumyemo munzila ⁸ Apano uwaluyembu alawumbulwa, wino Mwene Yesu alakoma nu mupu wamumulomo wakwe nukuwumbulwa kwa kwiza kwakwe Mwene kutalamuyika napamwi. ⁹ Ukwiza kwawaluyembu kulaya ukwa mulandu numulimo wakwe satana (chiwa) na maka wonsi, ivilanjizyo, nvyakuzungusya ivyawufi, ¹⁰ na chonsi ichiyipe chino chikasomba yano yakuchula, pamulandu wakuti yatapochelile ulukundo lwachumi nukuti yatulwe. ¹¹ Pamulandu wuu Leza amawatumila ichakuwatumphika ichamaka nukuti yalasuwila uwufi ¹² nukuti wonsi yano yatasuwile uwuchumi swinya yali nuwuchononyi yalasulwa. ¹³ Kweni lyonsi twawatayizizya mwemwe kuli Leza, yanji mwakundwa na Mwene, pamulandu wakuti Leza wawasola ukuya mwevikomwa ivyakutalika pakupusuka ukupitila ukupitila mukuswefya kwa Mupasi nukusuwila muchumi. ¹⁴ Wawamile kuli chii ukupitila ukupitila mwilandwe litu, ukuti mungapochelela uwuchindame wakwe Mwene witu Yesu Kilisitu. ¹⁵ Apano lyeni, yanji, yimililini ni simpho nukulemasya sana kumyata yino yawasambilizizye, nanthi kungaya ukumazwi nanthi ukukuwalika. ¹⁶ Nomba lekini Mwene witu Yesu Kilisitu weliwe na Leza Tata witu, wino watukunzile nukutupela ukufwasa kwa muyayaya nitayilo ilisuma ukupitila mu wila, ¹⁷ fwasini nukukoma imyenzo mumilimo yonsi iyisums na mwizwi.