¹ Paulo,Lilivanasi,na Timoti, kung'ánda yamapepo yakwe ya Teselonika muli Leza Tata witu wa Mwene Yesu Kilisitu. ² Uwuchindame wuye kuli mwemwe numutende ukufuma kuli Leza Tat witu na Mwene Yesu Kilisitu. ³ Twawataizizya amanda wonsi kuli Leza, yanji, ndivino muno chikalondelwa,pamulandu wakuti isuwilo linu likukulila kulila,nulukundolwakwe wensi palwakwe lwelukula ku wawuzo. ⁴ Apano swemo palwitu tukuwamechela mung'anda yamapepo yakwe Leza pakutontha nisuwilo linu muli vyonsi ivya uchumi vinu, numunthazi zino mukukomenkhana nazyo. ⁵ Wuu aliwukamboni uwakupingula kwachumi kwakwe Leza, ukuti mungiza mwelenganywe ukuti mulingine ukuwu Mwene wakwe Leza,pano achino namwekwene mukuchulila. ⁶ Pano ichendi,ichumi kuli Leza ukuwezezya uwuchumi kuli yano yakuwachuzya mwemwe, ⁷ nukusapulwa kuye kuli mwemwe mweyano mukuchula pamwi naswe, ndipano Mwene Yesu wawumbukwa ukufuma kwiyulu nayangeli yakwe ayamaka, ⁸ mumoto uwulilime ukuwezezya ukuchula kuli yano yatamyanga Leza, napaliyano yasiwuvwila kwizwi ilya Mwene witu Yesu. ⁹ Kuliya uwuchuzi uwakupanikwa uwakononeka uwapee napee pakuloleka kwakwe Mwene nuwila wawuchindame wamaka yakwe. ¹⁰ Alawomba chii pano akwiza pawanda wulya pakuzachindamikwa muyanthu yakwe ayatiswe nukukumbuchilwa na wonsi yano yasuwile, pamulandu wakuti uwukamboni witu kuli mwemwe wasuwilwa. ¹¹ Pamulandu na chii naswe kwene tukawapepela ukwawula ukuleka, ukuti Leza witu angawelenganya nukuwama namaka yakwe pawumi wuno akawamila nukuti na maka yakwe angakwanisya ichakulonda chonsi ichisuma nu mulimo wonsi uwisuwilo. ¹² Tukupepa chii ukuti izina lyakwe mwene witu Yesu lingachindama muli mwemwe, namwe muli weliwe, ukulingana nuwuchindame wakwe Leza witu na Mwene Yesu Kilisitu.