Daya yeru, kawan pulaksanai sa barasis, hanyu sa kaampun bagian hang wuang herauan surgawi, dinungleh Allatala,Sang Rasul pada Imam Hante, pangakuan takam, Sa satia ma Hanye haut natantu-Ni, sameh nyalah Musa sa satia hang wuang katuluh lewu-Ni. Sabab, Yesus naindrik patut um,ak kaiyuh pihante sa labih hante teka hi Musa, nyalah halni erang kaulun namuan lewu sa kaiyuh kahurmaten labih hante teka lewu iru juai. (Sabab, samula lewu naamuan daya kawan ulun, kode ngamuan lewu teka katantuluh yeru teka Allatala). ⁵ Musa satia hang wuang katuluh lewu Allatala nyalah erang kauulun panyanyanga, uma,k ngami piwaraan ma hal-hal sa naantuh hang hamian andrau die. Kode, Panyalamat satia kala Anak hang wuang lewu Allatala, hanye yeru takam, amun takam tatap itegei uet hang kayakinan nelang harapen hang takam panyamangat hampe pangalisan. Palusleh Naharak Allatala Daya yeru, Kala sa Roh Barasis kaeu, "Hang andrau yena, amun hanyu karengei lengan-Ni, Ada hamikahing ateinu nyalah hang wuang pambarontakan sa nakarajanu hang andrau nasuba hang tane karasik. Hang yeru tawuk itak datunu mansuba Aku pada kadinung ulah gawi-Ku salawah epat pulu taun. Sabab yeru Aku sangit ma kawan ulun itati yeru pada kaeau, 'Atei here budas tawang pada here puang kataru lalan-lalan-Ku.' Jari, Aku basumpah hang wuang panyangit=Ku: 'Here puang sagar masuk ma unengan paterieen-Ku. "Mazmur 95:7-11 Hati-hatileh takam pulaksanai, ada uweng hang penah takam sa kaingkam atei sa murun nelang puang parisaya, sa ngulah hanyu iwaleng teka Allatala sa melum. Walehan, uruk ajar isa andri sa lain hang tiap andaru, salawah rahat naan sa naantuh "andrau yena". nampan puang naan hang penah takam nahampikahing daya tipu daya dosa. Takam haut ngalap tuhi hang wuang naharak Allatala, amun takam itegei uet hang kayakinan takam teka asal hampe pada ma pangalisanni. Nyalah haut tulis, "Hang andrau yena, amun hanyu karengei lengan-Ni, Ada budas mahing atei nyalah hang wuang nawan."95:7b-9 Hielah ulun-ulun sa haut nyanrengei lengan Allatala, kode nawan? Angneh here katuluh sa haut kaluar teka tane Mesir hang imbe kapamimpinan Musa? Pada, ma hie kah Allatala sangit salawah epat pulu taun? Angneh ma here sa haut ngulah dosa hampe bangkai here tahamur hang tane karasik laga? Pada, ma hie kah Allatala bajannyi bahawa puang sagar sindi masuk ma unengan pantariean-Ni, amun puang ma here sa puang taat? Jari, takam kadinung bahwa here puang kaiyuh masuk daya puang parisaya here