Daya yeru, takam harus labih baapik mantaru inun sa haut takam karengei nampan takam puang taenei taping. Sabab, amun ajaran sa natahampe daya malaikat tabukti puang sagar miubah, hang ngulah panala atawa puang uweng kahakunen sagar narime hukuman sa kapinu'u, Kala awe wangun takam kaiyuh lepah amun takam ngapapuyah kasalamatan sa hante yeru? hanye yeru kasalamatan sa palanungkai natahampe daya Allatala, pada nabuktiakan sa maeh ma takam daya ulun-ulun sa nyanrengei=Ni. a lain teka yeru, Allatala ngami kesaksian mitah siri-siri pada hal-hal mustahil, anri bamasam hal puang nakira baya pangamian-pangamian Roh Barasis sa bagi mitah aheng-Ni. Allatala Jari Nyansameh nyalah Murunsia um,ak Nyalamat Murunsia. Allatala puang nyantalau dunia sa sagar mihawi, hanye yeru dunia sa sagar takam napaner, ma kawan katuluh malaikat. Daya inun, naan erang kaulun ngami saksi rohani hang wuang nas : "Hiekah murunsia hampe Hanyu mamim kirni? Hiekah iya murunsia hampe Hanyu jari ipangarasani? Ekat erang itus, Hanyu ngulahni labih im,be teka malaikat; Hanyu bakadudukan anri mulia nelang tahurmat. Hanyu nantalau sa ka tantuluh hang im,be pe'e Ni."Maznur 8:5-7 Sabab, anri nantalau kawan katantuluh hang im,be pe'e Ni, balalu Allatala puang kalewa ala isapun sa puang talau ma Henye. Kode kalayeru, itati takam huan kadinung ala katantuluh talau ma Hanye. Kode, takam haut kadinung Allatala sa uma,k samantara naulah lsbih em'be teka kawan malaikat, hanye yeru Allatala sa nampiharung anri pihante pada tahurmat daya haut sangsara hang pampatei nampan daya pangamian Allatala, Hanye haut kaingkam uma,k katuluh ulun. Haut sa patutni Hanye sa uma,k Hanye pada mitah Hanye ala katantuluh nebus nawah kasalamatan. anak tukui Ni mitah sangsara, uma,k ngenei here ma wuang pihante. Sabab, maeh Hanye sa ngabarasis malaingkan here sa nabrasasis, katuluhni hawi teka isa Am,ah; irukeh sababni Allatala puang amangan ngantuh here jari kawan pulaksanai-Ni. Anri kaeau ; "Aku sagar iwara nahampe ngaran-Nu ma kawan pulaksanai-Ku. Hang penah-penah katuluh tenga-Nu, Aku sagar nampe tumet leut ngalalea ma-Hanyu." Mazmur 22:23 ¹³ Pada udiyeru: "Aku sagar ngampasuk kaharapen-Ku ma Allatala."Yesaya 8:17 Pada udiyeru, "Ina lah Aku, baya kupanan kawan iya sa haut naami Allatala ma -Aku. " Yesaya 8 :18 Daya kawaan iya yeru iruleh murunsia sa uweng ira anri lumek, balalu Allatala ngalap nantuhi hang wuang wangun here nampan mitah pampatei-Ni, Hanye kaiyuh nyanrupuh hanye sa ampun kuasa hang ambau pampatei, hanye yeru Iblis. Pada, naami kabahumen here salawah welum jari walah daya katakuten neo pampatei. Jari, bawilah tu,u hanye paung ngami pangarawahan ma kawan malaikat, kode ma anak tukui Abraham. Kalayeru, hang wuang katantuluh neu Allatala harus jari nyalah kawan pulaksanai-Ni, Nampan Hanye kaiyuh jari Imam Hante* sa penuh ahi lelu nelang satia hang wuang manyanyanga ma Allatala. Anri kalayeru Hanye kaiyuh ngenei panewuhan nintu dos-dosa murunsia. Sabab, Allatala jua nakahangen wayah nasuba, balalu hanye kaiyuh ngarawah here sa rahat nasuba.