Allatala Haut Bapaner Mitah Anak-Ni ¹ Haut udi hang jaman sadi, Allatala kune-kune gaha bapaner ma datu itak kakah takam mitah kawan Nabi, ² Hang andrau pajumpuhan yena, Allatala bapaner ma takam mitah Anak-Ni sa haut tapidi-Ni um,ak jari Pawaris teka inun katantuluh, sa mitah- Hanye pada Allatala nyanyari dunia anri katantuluh hang wuangni. ³ Hanye jari matalak pira'ai pihante Allatala pada jari wangun sa paruna teka sifat-Ni, Hanye pada ngingu palihara kawan katantuluh anri lengan kuasa-Ni. Udi ngaraja ngabarasis nyantuhun dosa-dosa, Hanye maharung hang tuhi kawan, sa Tu'u Pihante hang ueng pangaambau. Balalu Hanye jari lawit tamah ambau teka kawan here malaikat maana sa labih ambau teka ngaran here. Gan,na yeru, suahkah Allatala kaeau ma malaikat, "Hanyu hanyene Anak-Ku. Hang andrau yiti, Aku haut jari Ambah-Nu"? Mazmur 2 : 7 Atawa, suahkah Hanye kaeau neo here, "Aku sagar jari Ambah um,ak Hanye, pada Hanye sagar jari Anak-Ku."? amuel 7 : 14 Kude kalayeru, tawuk Allatala iwara mantaru Anak pangatueh-Ni ma dunia, Hanye kaeau, "Maraleh katuluh malaikat Allatala suntuk ma Hanye." Ulangan 32 :43 Neo kawan malaikat Allatala kaeau, "Hanye ngulah malaikat-malaikat-Ni jari riwut, Kawan panyanyangga ni jari raai apui." Mazmur 104:4 ⁸ Walehan neo Anak-Ni, Hanye kaeau, "Tahta-Nu, O Allatala, sagar naan hampe kalalawahni. Lalan mawitu yeru Lalan Karajaan-Nu. Hanyu sinta lelu ma sa mawitu kode muar ma ala sulas durhaka. Daya yeru, Allatala, Nyeiru Allatala-Nu, haut nginsing ngalelu Hanyu anri ilau kaaraien sa labis teka kawan hengau-Nu. "Mazmur 45 :6-7 Pada udi yena, "Hanyu, Tuhan, hang asalni Hanyu ngandak hang amau tane, pada hang langit hanye yeru ulahan tangan-Nu. Tane bawa langit sagar wawai, kode hanyu sagar tatap naan. Tane anri langit sagar buruk yalah pama. Nyalah saramen Hanyu sagar nalepetni, pada nyalah pama here sagar naganti. Kode daya yeru, Hanyu puang sagar miubah, pada taun-taun-Nu puang sagar luput. "Mazmur 102:25-27 Pada, ma malaikat sa awe, Allatala suah kaeau kala yiti, "Harungleh hang tuhi kawan-Ku Hampe Aku ngandak musuh-musuh-Nu hang imbe parentah-Nu"? Mazmur 110:1 Ang'neh malikat yeru roh-roh sa manyanyangga, sa haut na kirim um,ak ngarawah ulun-ulun sa sagar narime kasalamatan?