¹ Tawuk hi Paulus andri hi Silas nampalus pakiaen here nuju tumpuk Tesalonika here rueh mitah tumpuk Amfipolis andri tumpuk Apolonia,dami hampe tumpuk Tesalonika hang yiru naan Lewu Sumbayang ulun Yaahudi (Sinagoge). Kalalana balalu here palus masuk ma penah ulun rama palus manarang lengan Surat Barasis yeru isa kapu isa satiap andrau sabat hampe titir telu kali. ³ Hi Paulus iwara "aku hawi ngapung naun lepuh manarang neu Kritus Yesus sa haut nakahanangan hampe matei hang Kayu balasangar kode hanye welum kamulek daya kuasa Alatalla. Hanyeru sa jari panyalamat takam katuluh. ⁴ Dami here karengei sa na tahampe Paulus yeru, balalu here kataru palus bakumpul baya hi Paulus andri hi Silas papire kaulun Yunani baya papire kawan wawei sa ha ut parisaya ma Alatalla. nakahanang an hampe kode hanye welum kamulek daya kuasa teka Alatalla. pampatei Yesus Kristus Panyalamat takam murunsia sahaut welum kamulek ⁵ Kode kawan ulun Yahudi bahiri nelang muar ma hi Paulus andri hi Silas. Balalu here ngumpul kawan ulun ulun sapuang uweng gawian nelang katuju ngulah geger hang wuang tumpuk yeru, here mapakat manyarang ma lewu Yason uneng Paulus andri hi Silas palus ngantara hi Paulus andri Silas, kode puang panalu. ⁶ Balalu here nyujut ngenei hi Yason andri kawan pulaksana'ini saiman ngenei mahadapan kawan tatueh tumpuk (penguasa), nelang ngiak here kaeau, "Kawan ulun yena sa haut nandrusak dunia haut hawi mayena, muneng baya hi Yason. ⁷ Here haut nawan aturan Kaisar nelang kaeau, "naan erang kaulun raja lain sa haut hawi hanyeru, ngarani Yesus." ⁸ Dami karengei barita yeru kawan ulun rama baya kawan tatueh tumpuk balalu puang marauh wa ngun. ⁹ Kode dami udi hi Yason andri isa lain ni ngami jaminan ma tatueh tumpuk yeru bulu here iyuh mudi. ¹⁰ Dami udi geger gampar yeru balalu kawan pulahna' sa parisaya malem yeru nunyu hi Paulus andri hi Silas tulak ma Beria, dami hampehere rueh palus tulak ma lewu sumbayang ulun Yahudi (sinagoge) ¹¹ kawan ulun Yahudi hang Beria maeh atei teka sa ulun hang Tesalonika, daya here haut karengei nelang nari me pesan teka Alatalla, andri penu kaaraien, tiap andrau here rajin mamba sa surat barasis nelang here parisaya alakatuluh yeru tauni. ¹² Daya yeru rama ulun jari parisaya, ta masuk kawan upu atawa wawei ulun Yunani. ¹³ Dami hi Paulus hampe tumpuk Beria balalu hanye ngajar here neu lengan Alatalla. Kode dami kawan ulun Yahudi ka rengei inun nagawi Paulus, here balalu ngapung ma ya ru here ngajaijau ulun tum puk Beria ngampan ada pa risaya inun sa natahampe daya Paulus. ¹⁴ Kawan ulun sa parisaya karasa ulun Yahudi hawi nelang ngajaijau ulun tumpuk, bu lu here ngenei hi Paulus ma pingir laut, kode hi Silas andri hi Timotius muneng. ¹⁵ Kawan ulun sa ngenei hi Paulus mairing laut bulu palus ngatet hanye ma tum puk Atena. Hi Paulus nunyu here hinang mulek ma Be ria palus nampe pesen ma hi Silas andri Timotius nam pan here rueh hinang na harak hanye ma tumpuk Atena. ¹⁶ Tawuk hi Paulus ngandrei hi Silas andri hi Timotius hawi, hanye kaingkam ateini puang marauh, daya hanye kadinung hang tumpuk yeru penu andri kawan sampatung. ¹⁷ Daya yeru hanye bulu masuk malewu sambayang ulun Yahudi (sinagoge) andri kawan ulun bangsa lain isa tunuk ma Alatalla bulu here mapakat, nelang tiap andrau hanye pada bakumpul andri ulun rama sanaan hang ngawariung hanye. ¹⁸ Papire ulun baakal nelang marahati teka Epikuros andri Stoa bapa ner,here maner neu hi Paulus bulu kaeau, "Inun sa ngunu napaner ulun mapusu yiri?" Kawan lain pada kaeau, "Nyalahni ulun yiri erang kaulun pambarita kawan dewa dewa sapuang takam kataru." Hie Yesus yeru sa haut matei kode welum kamulek. ¹⁹ Bulalu here nuntut hi Paulus ma pakumpulan Areopagus nelang kaeau," Kami sinni karasa ajaran inun sa natahampe nu yiri ? ²⁰ Daya hanyu ngenei habar sa puga rengei silu kami." Jari kami laku hanyu nyarita inun arati alakatuluh sa haut waranu yiru " ²¹ (Taati kawan ulun tumpuk Atena andri kawan ulun lain isa muneng hang yena, amun naan sawau rengei, here hakun nanan kawan pagawian lepuh nunti nelang nyandrengei inun kabar sa tahampe yeru.) ²² Balalu hi Paulus min dri hang penah penah Areo pagus bulu kaeau, " Ui ka wan ulun Atena, aku haut nyampining katuluh naun uras maharati nelang haut baagama. ²³ Aku haut ta kia ngaliling nelang nyam pining kawan ban'na sa na sam'mah, aku pada haut kadinung naan uneng na un nganak panguta ( para pah ma kawan antu allah, nelang naan batulis, " UMAK ALLAH ISA PUANG TATARUEN. Daya yeru aku ngunu iwara ma naun , " HUAN KATARU HIE SA ALATALLA YERU." ²⁴ Alatalla haut ngulah dunia yena andri kawan isini, hanye Tuhan sa ka ampun langit andri tane, hanye puang muneng hang wuang lewu kawan dewa sanaulah daya tangan murunsia. Hanye ²⁵ pada puang laku karawahen andri laku na sasade teka murunsia, nyalahni laku nabalas kawan inun sa haut naamini ma ulun murunsia nyalah kawan pamelum andri hewuk nelang katuluh isa haut naulahni. ²⁶ Teka erang kaulun murunsia Hanye haut ngulah lagi murunsia laini umak nampenu dunia yena, Hanye pada nunyu here muneng hang litar dunia nelang nganak watas, palus ngami wayah (musim) mahere, ngampan here tau itamelum. ²⁷ Daya teka ulah Alatalla ma kawan murunsia, gere bulu here tau ngantara Hanye, bulu here kaiyuh panalu, kode satu'uni Hanye puang lawit teka takam katuluh. ²⁸ Daya takam naan, takam welum nelang bagarak hang wuang Hanye,nyalah sanatulis hang Ayub 12:10. Nyalah sa nawara daya kawan pujangga-pujangga naun sahaut kaeau, "Daya takam na pada teka Ni," ²⁹ Jari daya takam na ulahan Alatalla, takam puang iyuh bapikir Alatalla yeru nyalah amas atawa nyalah perak atawa nyalah watu satau naulah daya pamikiran atawa katauen murunsia. ³⁰ Daya katuluh kawan kalungaen takam sadi hurap haut tapitah ngaan usah takam ngitungni, daya taati Alatalla haut iwara ma kawan ulun murunsia hang awe-awe, ngampan laku ampun ma Alatalla nanan kawan ulah gawi samurun yeru, ³¹ Daya Hanye haut iwara wayahni, Hanye sagar menghakimi dunia andri adil, mitah erang kaulun sa haut napidiNi, udi hanye natarang kawan bukti ma katuluh ulun neu kebangkitan teka ulun matei ³² Dami here karengei sanatahampe Paulus ma kawan ulun rama yeru neu ulun samatei bulu welum kamulek, here bulu ngasese daya puang masuk ma akal pikiran here, kode naan salain kaeau, "Ayu hanyu ngisah lagi ma kami neu barita yeru. ³³ Balalu hi Paulus tulak teka penah ulun rama yeru. ³⁴ Kode teka penah ulun rama yeru naan papira saparisaya bulu bagabung um'ma hi Paulus, nyalah hi Dionisius anggota kumpulan Areopagus, andri kawan isa lain pada tamasuk erang kaulun wawei ngarani hi Damaris.