¹ Merekhisedheki uwu, mambo woSalemu, ndiena kamare muprista waMwari wokumatenga. Iye wakasongana naAbirahama paainga echiva koorwa komadjimambo, wakamukomborera. ² Kuitira iyena Abirahama wakapira chogumi ngazvese. zina rake ''Merekhisedheki'' rinonangira ''Mambo wokunaka'' nokutizve '' Mambo woSeremu'', kana kuti kunyara''. ³ Iyena haana baba, kanakuti mai, kanakuti djinja, haana matangiro kana maperero omazuva, kanakuti maperero oupenyu. Wakaitwa basi muMwana waMwari, iyena unogara muprista mphera kuchingaperi. ⁴ Vonanyi kuti wainga mukuru zvakadini mwanarume uwa akamupa chogumi cheizvo zvaakachakata. ⁵ Ngondivirimweni, mubarihwana waRevi wakapuwa uprista, unomupango unoenderana nomutemu kuitira kuti vahenge zvogumi zvochiungano, izvi ngozvo hama djake, vaingavo vodjinja raAbirahama. ⁶ Asi, ngoumweni, Merekhizedheki, vainga achiripi mubarihwana waLevi, wakaachira chogumi chaAbirahama wakamukomborera, wiya wainga nochipikiwa naye. ⁷ Azvirambiki kuti mudoko unokomborerhawa ngomukuru. ⁸ Ngondava yonthoyo, vandhu vakafa vanohenga zvogumi; Ponthopo chogumi zvakaachihwa ndiMerekhizedheki, wiya waiti urikupona. ⁹ Ngokudaro naLevi, wakaachira chogumi wakaripavo kuna Abirahama, ¹⁰ asi iyena wainga achito abaiawa, Abirahama paakasongana naMerekhizedheki. ¹¹ Waro ngokudaro kukwana kwakaveneka ngondava youprista hwaRevi (ngoti vandhu vaachira Mupango ngouprista uwu), kwainga kwachatamikenyi kuti tierekete ngomuprista umweni kudai ngokuteera urongwa hwouprista hwaMerekhizedheki, pane kuti umwe worudzi rwaAroni? ¹² Ngokudaro kudeni uprista wechichinja, ngokudarovo mutemu unodikanavo kuchinjwavo. ¹³ Ngoti, Wiya unovereketwari ndiena ngozviro izvi ngowo dzinja rimweni, sure kwake akuna naumwe wakambochanda paarita. ¹⁴ Zvinozivika kuti Mambo wedu ngowo mubarihwana womuJudha, djinja ngondava yawiya Mosi apana zvaananga echichinjwa ngomuprista. ¹⁵ Izvi zvakapinda kunasa, kuita pamphene kudeni kwechimuka muprista umweni wakatojana nochiimo chaMerekhizedheki; ¹⁶ Wiya achikazivi wiya kuitwa muprista ngochinangwa chomupango, asi wakaitwa ngosimba rokupona kuchingaperi. ¹⁷ Ngoti ndiyena unopuparikwa kuti: Iwewe uri Mupristi mphera kare nokare, inga chisungwo enodjinja raMerekhizedheki''. ¹⁸ Ngokuti kuripo munyara imweni kutama simba komupango wokutanga ngondava kureremedjeka nokutamakubesera kwavo; ¹⁹ Ngokuti, mupango apana chowakaita. Chakakwana kuripozve munyara imweni kutanga kogonda rakapinda kunaka ngondava yaro tingakhwedera kuna Mwari. ²⁰ Ichi chaka gwinyiswa ngokupika. Ngoti ivona ngogwinyiso vakaitwa vapristi pachina kupika; ²¹ Asi uwu Wakaitwa mupristi ngokupika mphiko ngondava yaWiya wakatikwaari ''Mambo wakapika iyenavo aazosikisi murangariro wake; 'Iwewe uri mupristi mphera kare nokare'''. ²² Ngokudaro, Jesu wakaitwa chibatizo chochitenderano chakapinda kunaka. ²³ Vapristi vakutanga vainga vakawanda, ngokuti vairambidjwa ngorufu kowangira kugara varimo mumuchando. ²⁴ Asi, ngokuti Jesu unogara mphera kare ari mupristi ngoti iyena unogara mphera kare. ²⁵ Unosimba rokuponesa vaya khedera kuna Mwari, ngopamusoro Pake; ngokuti unogara nguva djese kuti avakumbirire. ²⁶ Ngokuti zvainga zvakanaka kuti tiwane muPristi mukuru: Wakachena, achikachoreki, uchina chinoswipisa, wakaparadjaniswa novachaichi, wakamusidjihwa panyezuru pematenga. ²⁷ Wiya uchingatami kupira mudiro njikungonjiku, chokutanga ngondava yozvichaichi zvake, ngosure kwazvo ngozvichaichi zvovadhu ingangozvovakaita. Vaia vapriti vakuru ngokuti vakaita izvi kamwe kwega paiyapaakadzipira pachake. ²⁸ Ngokuti mupango inotemachivaringo chokuti kuita vapristi vakuru vandhu vakarembedjeka; Asi, izvi romphiko rakatevera kuviya, sure kokupihwa komupango rakatemachivaringo Mwana wiya waketwa akakwana mphera kare.