¹ Bukhu lakufotokoza za m'bado wa Yesu Khilisitu, mwana wa Davite, mwana wa Abulahamu. ² Abulahamu adabala Isaki, na Isaki adabala Yakobo, Yakobo adabala Yuda na bale wache. ³ Yuda adabala Perezi na Zera omwe mayi wao akhali tamala, Perezi adabala Hezironi, Hezironi adabala Ramu. ⁴ Rama adabala Aminadabu, Aminadabu adabala Nason, Nasoni adabala Salimoni. ⁵ Salimoni adabala Bowazi ndipo mayi wache akhali Rahabu, Bowazi adabala Obedi omwe mayi wache akhali Rute, Obedi adabala Yese. ⁶ Yese adabala Davite pfumu. Davite adabala Solomoni omwe mayi wache akhali mkazi wa Uriya. ⁷ Solomoni adabala Rehobuwamu, Rehobuwamu adabala Abiya, Abiya adabala Asa . ⁸ Asa adabala Yehosafati, Yehosafati adabala Yolamu, Yolamu adabala Uziya. ⁹ Uziya adabala Yotamu, Yotmu adabala Ahazi, Ahazi adabala Hezekiya. ¹⁰ Hezekiya adabala Manase, Manase adabala Amoni, Amoni adabala Yosiya. ¹¹ Yosiya akhali atabala Yekoniya na abale wache pomwe Yuda adatengi ukapolo ku Babulo. ¹² Pomwe akhali kuukapolo ku Babeloni, Yekoniya adabala Selatiyeli, Selatiyeli akhali babache wa Zeubabele. ¹³ Zelubabele adabala Abiudi, Abiudi adabala Eliyakimu, Eliyakimu adala Azolo. ¹⁴ Azolo adabala Zadoki, Zadoki adabala Akimu, Akimu adabala Eliudi. ¹⁵ Eliudi adabala Eliezala, Eliezala adabala Matani, na Matani adabala Yakobo. ¹⁶ Yakobo adabala Yosefe bayache wa Mariya, omwe iye adabala Yesu, wakuchemeliwa Khilisitu. ¹⁷ Mibadwo yensene kuyambila pa Abulahamu kufikila Davite pana mibadwo khumi na manayi, napo kuchoka pa Davite kufika kutengiwa ukapolo ku Babulo panami badwo khumi na manayi, nakuti kuchoka kuukapolo kufikilana kubadwa kwa Yesu pana mibadwo khumi na manayi ¹⁸ Kubadwa kwache kwaYesu bzida chitika terepayi. Mayi wache, Mariya, akhada bvunziliwa na Yosefe, koma akhanati gona pabodzi, iye adagumanika anamimba yamphamvu za Mzimu Oyera. ¹⁹ Tsono Yosefe, bayache akhali munthu wachilungamo alibe kufuna kumchitisa manyazi kumulamba padecha, adakumbuka kumuleka mwamderekho. ²⁰ pomwe iye adakumbuka bzinthu bzomwebzi, mngelo wamulungu adamuonekera iye mkulota, nkumuuza, ''Yosefe mwana Davite, nampodi kugopa kumutenga maliya ninga mkazako , thangwe mwana omwe akudikilayo ngwamphamvu yaMzimu Wakuchenna. ²¹ Ndpo amzabala mwana wa mwamuna ,udzamutchula dzina lache Yesu , iye adzapulumusa wanthu ku bzakuyipa bzawo." ²² Bzensenebzi bzdachitika pakukwanilisa bzomwe mulungu adalewa kudzela mwa mneneri, kuti, ²³ ''Onani , namwali adzakhala na mimba ndipo adzabala mwana wamwamuna adzamupasa dzina lache Manuwere'' ndibzo kuthumbudzula kuliti, ''Mulungu alinafe.'' ²⁴ Yosefe adalamuka kutulo kwache achichita bzomwe angelo wa Mulungu adamutongela iye, tsono iye adamutenga mkazache. ²⁵ Tsono iye alibe kugona naye mkazacheyo ateye adabala mwana mwana. Iye adamuchemera dzina la che Yesu.