¹ Yakobe, nyabasa wa mulungu na mbuya yesu khilistu, kuna mitundu khumi na miwiri ya kumwazikana: Ninkusewezani! ² Abale ninga wangu, muone kuti bzense psakudeka, nthawi ndiyo mulikuona mavuto yakusiyanasiyana. ³ Nakuti mudziwe kuti kuyeziwa kwa chikhulupiliro chanu kumbabweresa kupilira. ⁴ Lekani chipiliro chimalize basa lache kuti imwe mukhale wabwino na kusaya kulumala, nakuti nampodi musaye chinthu chilichese. ⁵ Soma penu wina wa imwe anfunikira nzeru, akumbire kuna Mulungu, iye ndiye ambapereka mwakudzala na mwakusaya kupunza kuna wense ndiye anikumbira, ndipo adzapereka kuna iye. ⁶ Soma munthuyo ambakumbire na chikhulupiliro, neye mwakukaikira. Nakuti munthu ndiye ambakaikira ambnakhala ninga pfunde la panyanza ndilo limbatengiwa na mphepo yakubvunduka. ⁷ Munthu umweyo nampodi akumbuke kuti adzapasiwa chilichense kuchokera kwa Mbuya; ⁸ umweyo ni munthu wakumbuka pawiripawiri, wakusaya kukhala mbuto ibodzi mu njira zache zense. ⁹ Lekani m'bale wakusaya chinthu abzitamandire na ukulu bwache, ¹⁰ na nyabzinthu abzitamandire na kusauka thangwe adzachosiwa ninga duwa la upswa bwakuthengo. ¹¹ Nakuti dzuwa limbabula na kupsa ndipo limbachontha upswa. Duwa limbadoda pansi, ndipo kudeka kwache kumbachoka. Na njira imweyi nyakudala adzafota mkati mwa mafambidwe yache. ¹² Nyakudala munthu ndiye anipilira pa kuyeziwa. Nakuti angamala kuyeziwa, adzatambira kolona wa moyo, omwe adalonjeziwa kuna iwo ndiwo ambafuna Mulungu. ¹³ Nampodi winango alewe pomwe iye akuyeziwa ''Ndkuyeziwa na Mulungu," thangwe Mulungu ambayeza lini na bzakuipa, ayayi iye kuyeza munthu. ¹⁴ Soma munthu aliyense ambayeziwa na chakufuna chache, ndicho chimbapfuwa na kumunyengeza iye. ¹⁵ Ndipo popo chakufunacho chikaima, chimbabala tchimo, ndipo tchimo likakula, limbala ipfa. ¹⁶ Abale wangu, nampodi kunyengeziwa. ¹⁷ Mphatso iliyense yabwino na mphatso iliyense ya chadidi imbachoka kudzaulu. Imbabuluka pansi kuchoka kuna Baba wakubvunika. Na iye kulibe kusintha ayayi chibvulibvuli thangwe la kubwerera. ¹⁸ Mulungu adasankhula kutipsasa kubaliwa na mafala ya chadidi, kuti tikhale wakukoma mtima wa bzakubereka bzakuyamba bza bzinthu bzense ndibzo adabzilenga. ¹⁹ Abale wangu mudziwe ichi: Lekani munthu aliyense ambabve kamangu, kuchedwa kusewera, nakuchedwa kundunduma. ²⁰ Nakuti kundunduma kwa munthu kumbachitalini bzakulungama bza Mulungu. ²¹ Mwa bzimwebzi kundunduma na bzense bzakunyansa na kudzala kwa bzakuipa. Mwakuderekha tambirani mafala ya likoko, ndiyo yangakwanise kupulumusa moyo wanu. ²² Khalani wakuchita mafala neye wakutondo kubva, na kubzinyenga mwekha. ²³ Nakuti ninga aliyense ndiye anibva mafala neye kuchita, iye akulingana na munthu ndiye ambabziyeza nkhope yache yachilengedwe pa gilazi. ²⁴ Iye ambabziyeza yekha kenangoko ambayenda achi yebweratu nthawe yokhayokhayo kuti iye akhaoneka tani, ²⁵ Soma iye wakunyang'anisisa pa lamulo ladidi ndiro la ufulu, achipitiliza chita bzobzo, neye kukhala wakutondo kubva omwe ambayebwa, munthu umweyi adzakhala wakudalisiwa m'bzakuchita bzache . ²⁶ Nakuti winango ambakumbuka ninga ambanamata soma ambamanga lini lilime lache, umweyo akubzinyenga mu mtima mwache ndipo kunamata kwache m'kwakusaya basa. ²⁷ Kunamata ndiko kuli kwa kuchena na kwa kusaya kupsipa pamaso pa Mulungu Babandiko kucheza na wana wasiye na akazi wamasiye mu kubonera kwawo, na kubzikoya wekha wasaya kuchita mawale na dziko lapnsi.