¹ Ine ndikulewa kuti wakupita manyumba, panthawe yomwe iye akhali mwana, akhalibe kusiyana na nyabasa, ngakhale iye akhali mwenekechilo wa bzinthu bzense. ² Soma iye akhali pansi pa phungu na nyakutonga kufikana pansiku zomwe zidayikiwa na baba. ³ Tsono pomwe, pamene ife tikhali wana, ife tikhali anyabasa wakubvera miyambo ya dziko lansi. ⁴ Tsono pomwe nthawe idakwana, Mulungu adatumiza mwana wache, achibaliwa na mkazi, kubaliwa pansi pa lamulo ⁵ kuti iye atichoserebzense bza lamulo, kuti ife tikatambire mzimu wakukhala ninga mwana. ⁶ Na thangwe lakuti ndife wana, Mulungu adatumiza Mzimu wa Mwana wache m'mitima mwathu, omwe timbakuwa nao kuti, ''Abba, Baba.'' ⁷ Tsono ndimwe lini pomwe nyabasa, soma mwana, penu mwana, kinangoka imwe ndimwe wakupita manyumba kuna Mulungu. ⁸ Tsono panthawe yomweyo, pomwe imwe mukhadziwa lini Mulungu, imwe mukhali nyabasa wa bzomwe mukhali, soma na mphamvu yawo yakulengiwa, neye milungu yawo. ⁹ Soma tsapano mudabwera nakudziwa Mulungu, pinango kuti imwe mudadziwika na Mulungu, tani apa imwe mukubwerera pomwe mbuyo kufooka na kutewera pomwe miyambo yakusauka? Kodi mwe mukufuna kubwerera pomwe kukhala nyabasa? ¹⁰ Imwe mumbasunga nsiku na miyezi nthawe na magole! ¹¹ Ine ndikuchita mantha na imwe kuti pinango ndatondo kubonera namwe palibe ndicho ndachita. ¹² Ine ndikukumbirani imwe, adzinza, khalani ninga ine, nakuti ine ndiri ninga imwe. Mumbandi chitira lini chakuipa. ¹³ Soma imwe mukudziwa kuti thangwe la kufooka kwa thupi ine ndidakulalikirani bza mafala yabwino kuna imwe pa nthawe yakutoma, ¹⁴ na cha thupi langu chidaku yezezani imwe, mulibe kuchipepusa pinango kundi lamba ine. M'malo mwache imwe mudandi tambira ine ninga ndikhali ngero wa Mulungu, ninga ndikhali Khilistu Yesu ndekha. ¹⁵ Yali kuponi pomwe madalitso yanu tsapano? Nakuti ine ndikukutsikizilani imwe kuti, penu ibzi bzakukwanisika, mukada konopfola maso yanuyo muchindipasa ine. ¹⁶ Kinangoka, ndikadakhala nyakuipa kuna imwe thangwe ine ndikukuuzani imwe bzachadidi? ¹⁷ Iwo achita kankulumize kukupisulani imwe, soma bzabwino lini bzobzi. Iwo akufuna kukufungilani panja kuti imwe mutazire kufulumiza na iwo. ¹⁸ Nthawe zense bzabwino kufulumiza pakuchita bza bwino, neye kuti poti ndili namwe pabodzi imwe. ¹⁹ Tuwana twangu,ndikuleza pomwe kubvza bzakuwawa bzakukubalani imwe kufikila Khilistu adakonziwa mwa imwepo. ²⁰ Ine ndikhafuna ndikadakhala namwe pabodzi tsapano kuti ndikwanise kuchinja fala langu, thangwe ndikukumbukakumbuka bza imwe. ²¹ Ndiuzeni ine, imwe omwe mukufuna kukhala wakubvera, kodi mukubva imwe lini lamulo? ²² Nakuti ibzi bzida nembiwa kuti Abulahamu akhana wana awiri, m'bodzi wa nyabasa wache mkazi na winango adabala na mkazache wakutoma. ²³ Mbodzi omwe adabaliwa kuna nyabasa wache mkazi akhali ninga kuthupi, soma winango omwe adabaliwa kuna mkazache wakutoma akhali wa kulonjeziwa. ²⁴ Bzinthu bzobzi adabzi thandauzira mwaku phimbilidza, kuti akazi omwewa akhana mapakangano mawiri. M'bodzi mwa omwewa akhali wawakuchokera ku Phiri la Sinai iye adabala wana ninga nyabasa. Uyu ndiye Hagara. ²⁵ Tsapano Hagara ndiye akundendemera na Phiri la Sinai ku Arabiya; iye akundendemera na Yerusalemu wa tsapano, nakuti iye ni nyabasa pabodzi na wana wache. ²⁶ Soma Yerusalemu wa pakudzaulu ngwaufulu, iye ndiye mamathu. ²⁷ Nakuti bzanembiwa, ''Sekerera, ngomwa nyakusaya kubala iwe; kuwa kwenekwene na kuimaba nthungulu yakusekera, iwe omwe ulibe kubva kuwawa na kubala; thangwe wana wache omwe ni mbeta awanda kuposa wana wache wa iye omwe adalowodwa.'' ²⁸ Soma imwe, adzinza, ninga Isaki, ndife wana wakukulonjeziwa. ²⁹ Panthawe yomweire iye omwe adabaliwa ninga mwa thupi admuzunza iyeomwe adabaliwa ninga mwa Mzimu. Bziri terepoyo tsapano. ³⁰ Tsono bzakunemba bzikulewa kutitani? ''Thamangisa nyabasa wako mkazi na mwana wache. Nakuti mwana wa nyabasa adzapita lini manyumba pabodzi na mwana wa mkazi mfulu.'' ³¹ Thangwe lache, adzinza,ife ndife lini wana wa mkazi nyabasa, soma wa mkazi mfulu.