¹ Paulo, nyakutumiwa na Yesu mkhrisitu na kufuna kuna Mulungu, kuyenda kuna wanthu wakuchena moyo mu Aefeso, wale omwe wakukhulupilika muna Yesu mkhrisitu. ² Mtendere namwayi wakuchoka kuna Baba wathu Mulungu na Mbuya Yesu mkhirisitu. ³ Tinitenda Mulungu na Baba wa Mbuya wathu Yesu Mkhirisitu, ule omwe adatipa ife mpfupo ya mzimu uliwense wakudzaulu muna Mkhirisitu. ⁴ Mulungu adatisankhula ifepano mwa iye kuchokera pakutoma pa dziko lapansi , kuti tikhale wakuchena moyo na wakusaya kuphonyeka pamaso pache mu chikondi. ⁵ Mulungu adatikonzeratu ifepano pakuwoneseriwa na wakuthumbudzulira winango kuchokera mu bukhu la Aefeso kumamaliziro kwache kwa msolo 1:4 paku ndendemera pomwe kuna ndime zishanu tenepo pambalewa telepayi, Mukufuniwa tidasankhuliwiratu na Mulungu. Pakuyambisa kukhala ninga wana kuchoka kuna Yesu mkhrisitu, malingana na kukoma moyo kwabwino mukufuna kwache. ⁶ Kufuwiwa kwathu kudachitisa kunamata kuna ulemerero bwa chifundo chache ndicho watipa fovolo mwa Ndiye ambamukonda. ⁷ Mwa Yesu Mkhrisitu tina chipulumuso thangwera mulopa wache na chikhululukiro cha bzakuphonya bzathu, malingana na kuwanda kwa chifundo chache. ⁸ Iye adawanzisa chifundo chache kuna ifepano na nzeru zense na kubvesesa. ⁹ Mulungu adatizindikirisa ifepano chinsinsi cha chifuniro chache, malingana na ndibzo bzakumukomera iye, na bzire pomwe adabziwonesera muna mkhrisitu, ¹⁰ na pamakonzedwe ya makhalidwe ya kukwana kwa nthawe , pakubweresa bzinthu bzense pabodzi, bzinthu bzense bzakudzaulu na pansi pano, pakunyang'aniriwa na m'bodzi, mwa Mkhrisitu. ¹² Mwa Mkhrisitu tidapasiwa chakusiiriwa, popeza tidakonzekeratu ninga mwa chikonzero cha iye wakuphata basa ninga mwa chakulinga cha chifuniro chache. ¹¹ Mulungu adatiikha ife ninga wakumunamata wache pala ife, omwe ndife wakutoma kukhulupirira mwa Mkhirisitu, tikakhale wakukhulupirira ulemerero bwache. ¹³ Mwa mkhrisitu, imwepo pomwe, mudabva mafala yachadidi, mafala ya chipulumuso chanu, mudakhulupilira mwa iye apo mudaikhiwa chilatizo na Mzimu Wakuchena wakulonjeziwa, mzimu wakuchenayo ¹⁴ ndiye chikole cha cholowa chathu mpakana chipulumuso cha bzinthu bzathu, kuna wakutenda ulemerero bwache. ¹⁵ Nathangwe limweli, kuyambila nthawe imweyo ndidabva chikhulupiriro chanu mwa Mbuya Yesu mkhirisitu na chikondi chanu kuna wanthu wensene wakuchena mtima wa Mulungu, ¹⁶ Ndiribe kulekeza kutenda Mulungu thangwera imwe ningambakugumani mu mapemphero yangu. ¹⁷ Ndikupemphera kuti Mulungu wa Mbuya wathu Yesu Mkhrisitu, Baba wa ulemerero, ankupani mzimu wanzeru na chibvumbuluso kuti mukamudziwe iye. ¹⁸ Ndikupemphera kuti maso ya mtima wanu yakabvunikiriwe, kuti muikadziwe chidikiriro ndicho akuchemererani imwe na vida ya ulemerero bwa chakusiiriwa mwa wanthu wakuchena mtima wensene nwa Mulungu. ¹⁹ Mumapemphero yangu ndikukumbira kuti mudziwe mphamvu yakusaya kundendemezeka ya ukulu bwache kuna ife wakukhulupirira, malingana na kuphata basa kwa mphamvu yache yakulimba. ²⁰ Iyi ni mphamvu ibodzibodziyo ndiyo adaphatisa basa mwa Mkhirisitu pomwe adamulamusa kuna anyamuya achimukhazika kuboko lache lamadidi kudzaulu. ²¹ Iye adakhazika Mkhirisitu padzaulu pa ulamuliro na mphamvu na ufumu, na dzina lirirense lakuchemeriwa. Mkhirisitu amdzatonga, sikuti mu mbwado uno okha, soma na munthawe pomwe ziri mkubwera. ²³ Mulungu adapereka bzinthju bzensene pansi pa nzayo za Mkhirisitu achimuikha pa mpingo ninga mkulu wa bzinthu bzensene. ²² Mpingo ni thupi lache, madzalidwe ya iye omwe ambadzala bzense mu bzense.