¹ Apo ninga kuna imwepo, mukhali wakufa mu bzakuphonyeka bzanu na bzakuphonya, ² momwe mudafamba kale, ninga mwa mafambidwe ya dziko lapansi lino. Mukhakhala malingana na mtongi wa mphamvu za mdzaulu, mzimu ndiwo ukuphata basa mwa wana wakusaya kubvera. ³ Pomwe tikhakhala mwa wanthu awa, kukwanirisa bzakukhumba bza thupi lathu, na kuchita bzifuniro bza kuthupi na maganizo. Tikhali ninga mwachibadwire wana wa ukali, ninga mwa wanthu wakutsalawo. ⁴ Soma Mulungu ngwakudzala na chifundo thangwera chikondi chache chakudzala chomwe ambatikonda nacho. ⁵ Pomwe tikhali wakufa mu bzakuphonya, adatipa moyo pabodzi mwa Mkhirisitu--- na chifundo mwapulumusiwa. ⁶ Mulungu adatilamusa pabodzi na Mkirisitu, apo Mulungu adatikhazika pabodzi mdzaulu mwa Mkhirisitu Yesu, ⁷ kuti mu nthawe ya mtsogolo akationesere ife vida yakudsaya kundendemezeka ya chifundo chache chakuonesiwa mchikondi kuna ife mwa Mkhirisitu Yesu. ⁸ Nakuti na chisom,o mwapulumusiwa mu chikhulupiriro, apo ichi chiribe kuchokera kuna imwe, ni mpfupo ya Mulungu, ⁹ sikuti bzakuchokera kumabasa, kuti munthu aliyense nampodi abzithembeze. ¹⁰ Nakuti ife ndife wakuphata basa wa Mulungu, wakulengiwa mwa Mkhirisitu Yesu kuchita bzichito bzabwino bzomwe Mulungu adabzilengeratu pala ife, kuti tikafambe mwemo. ¹¹ Mthangwerache kumbukurani kuti mukhali Wachikunja kuthupi. Mukuchemeriwa ''wakusaya kugwatiwa'' na iwo wakuchemeriwa wa ''kugwatiwa'' mthupi omwe udachitika na manja. ¹² Nakuti panthawe yoyo mukhadalekanisiwa na Mkhirisitu, alendo na mbumba ya Isaraeri, alendo ku mapangano ya malonjezano, yakusaya chidikiriro na yakusaya Mulungu mdziko lapansi. ¹³ Soma tsapano mwa Mkhirisiyu Yesu imwe omwe mukhali kutali na Mulungu mwabweresewa pafupi thangwera mulopa wa Mkhirisitu. ¹⁴ Nakuti iye ndiye mtendere wathu, thangwe adatichitisa tensene awiri kukhala m'bodzi. Nathupi lache adagumula litsito la kugwatisa pakati. ¹⁵ Iye adachosa lamulo na bzitongi bzache na malangizo kuti alenge mwa iye yekha munthu m'bodzi mupsa mwa awiri, mwaicho mkubweresa mtendere. ¹⁶ Mkhirisitu adaphatanidza wanthu awiriwo kuna Mulungu mthupi libodzi kudzera pa mtanda, kupha kuwengana. ¹⁸ Yesu adabwera achidzalengeza mafala yabwino ya mtendere kuna imwe omwe mukhali kutali na mtendere kuna wale akhali pafupi. ¹⁷ Nakuti kudzera mwa Yesu tensene tina mwayi wa Mzimu ubodzi kuna Baba. ¹⁹ Apo tsono, tsapano imwe Wachikunja zjai ndimwe lini pomwe wakunja, ayai alendo. Soma kuti ndimwe mbumba pabodzi na wanthu wakuchena mtima wa Mulungu na wana wa banja la Mulungu. ²⁰ Mwamangiwa pa maziko ya atumwi na aneneri, na Mkhirisitu Yesu mwenekachiro mwala wakufunika maninge. ²¹ Mwa iye chakumangiwa chensene chinilumikidzika pabodzi na kukuila ninga kachisi wakuchena mwa Mbuya. ²² Ni mwa iye kuti imwe pomwe mukumangika pabodzi ninga chakukhala Mulungu mwa Mzimu.