¹ Paulo, mtumiki wa Khilistu Yesu kudzera mwa kufuna kwa Mulungu, Timoteyo m'dzinza wathu, ² kuna wanthu waku chena wa Mulungu na m'bale wakukhulupilika mwa Khilistu omwe ali ku Akolose. Chisomo chikhale na imwe, na mtendere wakuchokera kuna Mulungu Baba wathu. ³ Ife tikupereka kutenda kuna Mulungu, Baba wa Mbuya wathu Yesu Khilistu, ife nthawe zense timku pemphererani imwe. ⁴ Ife tidabva bza chikhulupilo cha mwa Khilistu Yesu na chikondi chomwe imwe munacho kuna wanthu wense wakuchena wa Mulungu, ⁵ thangwe la chidikizo chomwe chakoyedwera imwe kudzaulu, cimene imwe mudabva mufala ya chadidi, ya uthenga bwa mafala bwino ⁶ chimene chidabwera kuna imwe. Chibodzi bodzi na njira imweyi uthenga bobu bwa mafala ya bwino yabala chipatso na iyo yakula pomwe padziko lense la pansi__ninga momwe bzikha chitikira pakati panu kuchokera nsiku yomwe imwe mudabva ibzi na kudziwa bza chisomo cha Mulungu mwa chadidi. ⁷ Aya ni mafala yabwino ninga yomwe imwe muda pfunza kuchokera kuna Epafala, nyabasa mwanzathu wakukondewa, omwe ni nyabasa wakukhulupilika wa Khilistu m'malo mwathu. ⁸ Epafala adakonza kudziwika kuna ife chikondi chanu kuna Mzimu. ⁹ Thangwe la chikondi chimwechi, kuchokera nsiku yomwe ife tidabva ibzi ife tilibe kuyimisiwa kukunamatirani imwe. Ife tikunamata kuti imwe mudzaziwe na chidziwiso cha kufuna kwache mu nzeru zense na mzimu wa chidziwiso, ¹⁰ kuti imwe muka fambe mubza kukoma bzomwe ni bza ulemerero bwa Mbuya na kumu komedwesa iye mwa njira iliyense: na kubala chipatso mu mabasa ya bwino yense na kukula mu nzeru ya Mulungu, ¹¹ nakukhala wa kulimbisiwa mu mphamvuzense, kutengera mu ulemerero bwache, kuti imwe mukhale wakukula pachipirilo na kukoma mtima na kusekerera ¹² nakupereka kutenda kuna Baba, omwe anikonza bzanu bzense kukwanisika kuti mukhale nakugawana na mbewu ya wanthu wakuchena wa Mulungu pa decha. ¹³ Iye adati pulumusa ife kuchoka ku ulumuliro bwa mdima achitiyendesa ife ku ufumu bwa mwana wache waku kondeka, ¹⁴ mwa iye ife tapulumusiwa, nakukhululukiwa ku bzakuipa. ¹⁵ Iye ni chifaniziro cha Mulingu wakusaya kuoneka, mwana wache wakutoma pa bzaku lengiwa bzense. ¹⁶ Nakuti mwa iye bzinthu bzense bzida lengewa, bzomwe bzili kudzaulu na bzomwe bzili pa dziko lapansi, bzakuoneka na bzinthu bzakusaya kuoneka. Pinango mipando yaufumu pinango ufumu pinango ukulu pinango ulamuliro, bzinthu bzense bzida lengewa kudzera mwa iye na kwa iye. ¹⁷ Iye payekha ni wakutoma pa bzinthu bzense, ndipo mwa iye bzinthu bzense bzili pabodzi ¹⁸ Iye ni msolo wa thupi, tchalitchi. Iye ni wakutoma kubaliwa kuchokera kuna wakufa, tsono iye ali pa mbuto yakutoma pa bzinthu bzense. Nakuti ¹⁹ Mulungu bzidamukomera kukhala na iye chikudzala chense kukhala mwa Mwana, ²⁰ na kudzera mwa Mwana kuyanjanisiwa bzinthu bzense mwa iye yekha, wakonza mtendere kudzera ku mulopa wache pa mtanda, pinango bzinthu bza dziko la pansi pinango bzinthu bza kudzaulu. ²¹ Kale kale imwe mukhali alendo na anyakuipa m'malingalilo na bzakuchita bzakuipa. ²² Soma tsopano iye waphatanisa imwe na thupi lache kudzera mu imfa kuti muoneke imwe wa wakuchena, wakusaya chilema, na wakusaya kugaziwa nacho pamaso pache, ²³ penu imwe munikhaladi na chikhulupiro, wakukhazikika na kulimbika, neye kuchosewa kuchoka pa chidikizo cha mafala ya bwino yomwe imwe mudabva, yomwe yada lalikiwa kuna munthu aliyense walengewa pansi pa kudzaulu. Aya ni mafala yadidi yomwe ine, Paulo, ndakhalirira mtumiki. ²⁴ Tsapano ine ndikukomedwa na kubonera kwangu thangwe la imwe, napo ine ndiku kwanisa thupi langu chomwe chikha perewera pa chizunzo cha Khilistu thangwe la thupi lache, lomwe ni tchalitchi. ²⁵ Ni tchalitchi yomweyi ndidakhala nyabasa wache, ninga mwa udindo bwa Mulungu omwe mudandipasa ine wakuchitila imwepo, wakukwanilisa mafala ya Mulungu. ²⁶ Ichi ni chinsinsi chomwe chidakhala chikubisiwa kwa nthawe na kwa mibadwe soma tsapano chidaululiwa kuna wakuchena moyo. ²⁷ Kuna awo omwe Mulungu adawasankhula kuti awadziwise pakati pa amitundu, ulemelero bwa chuma cha chinsinsi ichi omwe ni Khristu mwa imwe, chidikizo cha ulemelero. ²⁸ Ifepano tinilalika iyeyo, kulangiza na kumpfunzisa aliyense mwa nzeru zense, telepo ife tinimupeleka munthu aliyense wangwiro mwa Khristu. ²⁹ Na chakulinga chimwechi ine ndikuphata basa mwakulimbika na mwamphamvu yense yomwe iyeyo anichita mwa inepano.