¹ Tsono, adzinza, tinamatilireni ifepano, kuti mafala ya Mbuya yakulumize nakuti yalemekeziwe, ninga kuna imwembo, ² nakuti tikachosiwe m'manja ya wanthu wakuipa na wakusaya chilungamo, nakuti sikuti niwense ndiwo ana chikhulupiliro. ³ Soma Mbuya ni nyakukhulupilika, ndiye anzakupasa mphamvu na na kukudikilirani imwepo kuti alimbise nyakuipa. ⁴ Tina chikhulupilo mwa Mbuya bza imwe, kuti imwe mwense muchite bzense nakupitiliza kuchita bzinthu bzomwe ife tidakulamulani. ⁵ Na Mbuya akutsogolereni mitima yanu kuna chikondi cha Mulungu na chipiliro cha Khilisitu. ⁶ Tsapano ife tikukulamulani imwe, adzinza, mu dzina la Mbuya wathu Yesu Khilisitu, kuti imwe mumba gope wanthu omwe akufamba lini bwino na iye ndiye ambakhala mwakusemphana na miyambo ndiyo mudauziwa na ife. ⁷ Tsono imwepo pa mwekha dziwani kuti nibwino kuna imwe kutewezera ifepano, thangwe ife tinikhala lini wakuipa munthawe yomwe ife tinikhala na imwe. ⁸ Ife tilibe kudya mkate wa munthu aliyense mwakusaya kulipila, soma ife tini phata basa usiku na masikati mubzakuwawa na mazunzo, kuti nampodi winango wa imwepo alemedwe. ⁹ Ife tidachita ibzi neye thangwe ife tikhalibe ulamulilo, soma tida chita ibzi kuti tikhale chakuya yang'anira chanu, kuti imwe ,ukhale wakutewezera ife. ¹⁰ Nakuti mu nthawe yomwe tikhanamwe imwe, ife tidakulamulani imwe, ''Iye ndiye aphata lini basa nampodi kuti adye.'' ¹¹ Thangwe ife tikubva kuti winango wa imwe akumbando kufamba, akufuna lini kuphata basa, soma akuchita bzinango na bzinango. ¹² Tsono wanthu omwewa tikuwauza na kuwadandaulira Mbuya wayhu Yesu Khilisitu, kuti iwo ambaphate basa mwakusaya kusewera sewera ndipo ambadye bzakudya bzawo. ¹³ Soma imwe, adzinza, nampodi kuneta nakuchita bza bwino. ¹⁴ Napo penu iwo anibvela lini mafala yathu mu tsamba limweri, muwa nyang'ane iwo napo nmpodi kukhala nawo mbuto ibodzi iwo, kuti iwo achite manyazi. ¹⁵ Soma nampodi kuwaona ninga wakuwawenga, soma mucheze nawo iwo ninga adzinza. ¹⁶ Tsono Mbuya wathu wamtendere pa iye yekha akupaseni mtendere nthawe zense munjira zense. Mbuya akhale namwe mwense. ¹⁷ Ine, Paulo, ndanemba ibzi na boko langu, chomwe nichizindikilo cha tsamba lili lense ndiro ndanemba. ¹⁸ Chisomo cha Mbuya wathu Yesu Khilistu chikhale na imwe mwense. Ameni.