¹ Tsapano malingana nakubwera kwa Mbuya wathu Yesu Khilistu na kugumaniwa kwathu pabodzi kuti tikhale na iye, ife tili kukumbira imwe, adzinza, ² kuti nampodi mitima yanu itekenyeke kamangu pinango kubonera, penu na mzimu pinango mafala, pinango na tsamba ndilo limbawoneka ninga likuchoka kuna ife, ninga nsiku ya Mbuya yafika kale. ³ Nampodi kubvuma munthu winango akunyengezeni imwe nanjira iliyense. poti nsiku idzafika lini pokhapokha ufike mpanduko nakuti azimbuliwe munthu nyakuphonya, mwana wa chidzongeko. Mabukhu inango yakale ya chi Herene yadanemba kuti, munthu nyakuchita chakuipa azimbuliwe. ⁴ Iye ndiye omwe ambagazana na kubzikuza yekha pa bzense bzomwe bzimba chemeriwa Mulungu pinango ndibzo bzimbanamatiwa. Kumamalizilo yache, iye ambakhala tchalitchiya Mulungu achibzi onesera yekha kuti ni Mulungu. ⁵ Imwe mukukumbuka lini kuti pa nthawe yomwe ine ndikhanamwe ndidakuuzani bzinthu bzobzi? ⁶ Tsapano imwe mukudziwa chakumulambiza iye, kuti akazimbuliwe yekha pa nthawe yache. ⁷ Nakuti chinsinsi cha kusaya kuyeruzika chikuphatakale basa, pana kale winango omwe akumulambiza iye kufila adzamuchose iye pakati pathu. ⁸ Ndipo popo nyakusaya kuyeluzikayo amdzazimbuliwa, omwe Mbuya Yesu amdzamumaliza na mzimu wapakamwa pache amdzamudzonga iye namawonekedwe kubwela kwache. ⁹ Kubwela kwache iye kuli ninga machitiwe yasatana na mphamvu yense, bzizindikilo, nabzakudabwisa bzakunama, ¹⁰ nabzachinyengo bzense nabzakusayakulungma koma iwo wakudzongeka thangwe chikondi chawo alibe kuchitambila kuti akapulumusiwe iwo. ¹¹ Na thangwe lomweli Mulungu anitumiza kuna iwo bzakukusocheresa bzamphamvu tsono kuti akakhulupirire bzakunama ¹² nakuti akaweluziwe wense omwe ambakhupira lini bzachadidi malo mwache ambakomedwa nabzakusaya kulungama. ¹³ Soma ife nthawe zense timbapeleke kutenda kuna Mulungu thangwe la imwe, adzinza wakukondeka na mbuya, thangwe Mulungu adakusankhulani imwepo ninga chipatso chakuyamba kuti mupulumusiwe mwa kuchena kwa Mzimu na chikhulupiliro m'chadidi. (Mabukhuinango yakale adanembewa kuti, pakuti Mulungu adakusankhulani pakuyambilira kuti mukapulumusiwe.) ¹⁴ Iye adakuchemelani imwe kuchi kudzera mu mafala yabwino, kuti mutambire ulemelero bwa Mbuya wanthu Yesu Khilisitu. ¹⁵ Tsono, adzinza, imani mwakulimbika nakumangika mwa kuchena phatisisani miyambo ndiyo tidakupfunzisani, pinango mwa mafala ayayi mwa tsamba lathu. ¹⁶ Tsopano Mbuya wathu Yesu Khilisitu iye yekha na Mulungu Baba wathu, ndiye adatikonda ife pano na kutipasa mphamvu zakusaya kumalana chiyembekezo chabwino mwa chisomo, akukhazikiseni ¹⁷ nakudekedwesani mitima yanu mu basa lense labwino na mafala.