¹ Paulo,Silivano, na Timoteyo, ku tchalitchi ya ku Atesalinika mwa Mulungu Baba wathu na Mbuya Yesu Khilistu. ² Chisomo kuna imwe na mtendere kuchoka kuna Mulungu Baba wathu na Mbuya Yesu Khilistu. ³ Tikufunika kuti timbapereke kutenda kuna Mulungu thangwe la imwe, adzinza, nakuti mphsakufinikila, Thangwe la chikhulupilo chanu chininyaya kulakula, napo chinyanyire kuwanda chikondi cha imwe mwense chikhale cha winango na mwanzache. ⁴ Tsono bza ife tekha timbabzitamandira bza imwe m'matchalitchi ya Mulungu thangwe la kupilira na chikhulupilo na kudeka mtima kwanu, nakubonera kwanu kwense na masautso muli kuyabva. ⁵ Ichi ni chitsimikizo cha chiyeruzo chakulungama cha Mulungu, kuti mudzakhale waku lewengedwa wakuchena mu utongi bwa Mulungu, nomomwe mukubvera bzakuwawa. ⁶ Nakuti chadidi, ibzo bzakulungama kuna Mulungu kubwereza bzakuipa kuna wale omwe ambakuchitilani bza kuipa, ⁷ nakupuma kuna imwe omwe kuwawa pabodzi na ife, mu nthawe ndiyi Mbuya Yesu adzabuluka kuchoka kudzaulu na angero wache wamphamvu ⁸ na kugaka kwa moto, anidza bwezera chilango kuna wale omwe ambamudziwa lini Mulungu na wale omwe ambabveralini mafala ya bwino ya Mbuya wathu Yesu. ⁹ Iwo adzabva kuwawa nachilango na chidzonongeko chakusaya kumala kutali nankhope ya Mbuya na ulemerelo bwa mphamvu yache. ¹⁰ Iye adzachita ibzi pa nthawe yomwe iye adzabwera pa nsiku imweyo kuti akalemekezewe kuna wanthu wache wakuchena na kukhala wakudabwisa kuna wense omwe ambakhulupila, thangwe umboni bwathu kuna imwe mudabu khulupila kale. ¹¹ Thangwe la ibzi ife timbakunamatilani imwe, kuti Mulungu wathu akulewengereni imwe wakuchena kumchemereso wanu na mphamvu yache iye akakwanise bzabwino bzense na basa la chikhulupilo. ¹² Ife timbanamata terepayi kuti dzina Mbuya wathu Yesu lika lemekeziwe na imwe, na imwe kuna iye, malingana na chisomo cha Mulungu wathu na Mbuya Yesu Khilistu.