¹ Wakulewera wakunama adabwera pomwe kuna wanthu, na anyakupfunzisa wakunana adabwera pomwe kunaiwo. Iwo adzatengera kumbali iwo chipambuko chakudzongeka, iwo adzalamba mbuya omwe adzawagula iwo. Iwo adzabzitengera kamangu chidzongeko cha iwo okha. ² Azinji adzatewera bzakuipa bzawo, na kudzera kuna iwo njira ya chadidi idzanyoziwa. ³ Na kusirira kwao adzakuyesani malonda na mafala yakunama. Chiyeruzo chawo chidzatenga lini nthawe kubwera, nachidzongeko chawo chini odzira lini. ⁴ Nakuti penu Mulungu alibe kuwafuwa angero omwe adaphonya, M'malo mwache iye adawathusa iwo kumoto achiwaikha iwo naunyolo kudindi la mdima kufikira adzayeruziwe, soma bzakunemba bzakale bza Chihereni bzidanemba kuti, adawaikha mdindi lakuzika lamdima kudikhila chiyeluzo, ⁵ napo iye alibe pomwe kuwakoya dziko lapansi lakale, soma adakoya Nowa, achilalikira bza chilungamo, pabodzi na anzache achanu na awiri kufikila pomwe iye adabweresa chigumula pa dziko lapansi kuna wanthu wakusaya kukhululpila. ⁶ Mulungu adasungunula pomwe mizinda ya Sodomu na Gomola achiyisandusa dotha achiwagwesa pomwe iwo kuchidzongeko ninga chakuyezezera cha bzomwe bzingachitike kuna wakusaya kupemphera, ⁷ soma adapulusa nyakulungama Loti, omwe adilimba namakhalidwe yakuipa ya wanthu wakusaya kutewera malamulo_ ⁸ nakuti munthu wachilungamo, omwe ambakhala nawo pabodzi nsiku zense, iye adazunzika na chilungamo pakuona na kubva bzakuchita bzawo bzakusaya kuyeluzika_ ⁹ penu Mbuya akada chita bzinthu bzobzi, iye akadadziwa kupulumusa wanthu wache wakupemphera mubzakuyesa nakudziwa kuwakoya kwache wanthu ndiwo ambapemphera lini mukadeya kuti iwo akalangiwe pansiku ya chiyeruzo. ¹⁰ Ibzi bzachadidi kuna wale omwe ambafamba achitambira bzakufuna bza thupi lawo omwe ambapepusa utongi. Ambagopa lini ambchita bzomwe iwo akufuna, ambachita lini mantha akafuna kunyoza akuluakulu wao. ¹¹ Angero anamphamvu zakulimba, soma iwo ambalewa lini mulandu wakuyeluza kugazana na Mbuya. ¹² Soma wanthu awa ali ninga nyama zakusaya nzeru, wakubiliwa kuti akomedwe na kudzongeka. Iwo ambadziwa lini bzakuphonya bzawo. Pachidzongeko iwo adzangeka, ¹³ adzabonera ninga kulipila pakuchita bzakuipa. Iwo akukumbuka ninga bzabwino kudyerera masikati. Iwo ndiwo anamabanga na kupunduka. Iwo ambadyerera madyerero yabzachikondi pomwe iwo akudya namwe. ¹⁴ Iwo ana maso yakudzaza na bza uputa; iwo ambakwanisa lini kuleka bzakuipa. iwo ali kuwanyerera iwo na moyo wakusaya kulongosoka, iwo ana mitima yakuzolowera kusilira. Iwo ni wana wakutembererewa! ¹⁵ Iwo adaleka njira zakulungamaachitaika,achitewra njira ya Balamumwana wa Beori,omwe akhakonda kutambira malipilo ya kusaya kungama. ¹⁶ Tsono iye adagaziwa na bzakuphonya bzache_bulu wakusaya mafala adasewera mafala yamunthu achimuletsa mneneriyo kupitilira. ¹⁷ Wanthu omwewa ali ninga mathawale yakusaya madzi na nkhungu yakumbuluka namphepo yachonzi. Mdima wakupsipa psii ukuwadikira iwo. ¹⁸ Iwo ambasewera mafala yakupepuka yakusaya nzeru.Na bzilakolako bzathupi, na bzakuipa, iwo akhanyengerera wanthu omwe akhayezeza kufuna kupulumuka kuchoka kubzakuphonyabzomwe akhachita. ¹⁹ Akhawauza bzaufulu iwo, soma iwo okha mbanyabasa wa bzakubvunda. Nakuti munthu ndiye nyabasa chili chense ambachita cha iye. ²⁰ Angadakhala iwo adakwanisa kuthawa bzakuipa bza dziko lapansi nachidziwiso cha Mbuya na Mpulumusi Yesu Khilistu angada kondwa na iwo achigonjesiwa, bzakumaliza bzawo bzikadaposa bzakuyamba. ²¹ Bzingadakhala bwino kuna iwo neye kukhala achidziwa njira ya chadidi kusiyana na kudziwa nkhubwera njira ya malamulo yakuchena lakuperekiwa kuna iwo. ²² Mwambo umweyu ngwachadidi kuna iwo: ''Mbuwaya yabwerera pomwe kumasanzi yache, na Nkhumba yakusambisiwa yabwerera pomwe kukunkhulika pa mataka.''