¹ Paulo Silivalo, na Timoteo ku mpingo wa ku Atesolonika kuna Mulungu Baba Mbuya Yesu Khilisitu. Chisomo na mtendere bzikhale na imwe. Bzakunembera bzinango bza kale bza chi Heleni bzidanemba kuti, Chisomo na mtendere ukhale namwe kuchokera kuna Mulungu Baba wathu naMbuya Yesu Khilisitu. ² Nthawe zense timbalemba kwa Mulungu pa bzense bzanu bzomwe timbatchula m'mapemphero yathu kawirikawiri. ³ Ife timbakumbuka basa la chikhulupiliro chathu pamaso pa Mulungu Baba, kupilira kwa chikondi, na chiyembekezero chathuu mwa Mbuya Yesu Khilistu. ⁴ Adzinza adakondiwa na Mulungu, tikudziwa kuti adakusankhulani imwe, ⁵ thangwe lakuti uthenga bwathu bwabwino bulibe kubwera kwa imwe m,mafala yokha, koma budabwera pomwe mu mphamvu, na Mzimu Wakuchena, na kuwanda kuzinji. Munjira ninga iyi, tingadziwe pomwe kuti nimtundu wanyi wa munthu omwe tinaye pabodzi. ⁶ Mudakhala wakutewezera wanthu na pomwe Mbuya mu nthawe ndiyo mudatambira mafala mu nthawe yakubonera kukulu na kukondwa kwakuchokera kwa Mzimu wa Kuchena. ⁷ Pambuyo, pache mudadzakhala chilatizo cha wense wa ku Makedoniya na Akaya ndiwo ambakhulupilira. ⁸ Kuchoka kwa imwepo mafala ya Mbuya yadabula kunja, neye kwaokhawo waku Makedonia na Akaya, koma chikhulupiliro chanu mwa Mulungu chidayenda palipense. Tsono tikufunikalini kufewera chilichense pabzimwebzi ⁹ .Nakuti okhawo wakulewa kuna ife mapitidwe yathu kwa imwe na kuti tidasandulika tani kuna Mulungu kuchoka ku bzamafano kubwera kwa Mulungu, ¹⁰ nakuti mukudikira Mwana wache kuchoka kudzaulu, iye omwe adalamusa_ Yesu, iye ndiye adzatipulumusa ife pano ku chiyeruziro chomwe chikubweracho.